نامياري ليکڪ ۽ محقق ڊاڪٽر محبت ٻرڙي جو ڪتاب شعور اوهان اڳيان پيش آهي۔ اميد ته دوستن کي پسند ايندو۔ هي ڪتاب سينٽر فار پيس اينڊ سول سوسائٽي CPCS پاران ڇپائي مارڪيٽ ۾ آندو ويو آهي۔____ ڊاڪٽر محبت ٻرڙي جو ڪتاب” شعور“ جيڪو پڙهڻ سان شعور جون نيون راهون ڦٽن ٿيون. سنڌي ٻولي ۾ اسان وٽ ورلي ڪي اهڙا ڪتاب لکيا ويا آهن جن ۾ موضوعن تي سائنسي انداز ۾ مضبوط دليلن سان ڳوڙهو بحث ڪيو ويو هجي ،منهنجي مطالعي جي ڄمار ۾ مون اهڙا تمام گهٽ ڪتاب پڙهيا آهن . تازو منهنجي نظرن مان ڊاڪٽر محبت ٻرڙي صاحب جو اهڙي ئي قسم جو هڪ شاهڪار ڪتاب گذريو ، ڊاڪٽر صاحب پنهنجي هن ڪتاب کي ”شعور“ جو نالو ڏنو آهي ، سچ ته اهو آهي ته سندس هن ڪتاب پڙهڻ سان پڙهندڙ جي ذهن ۾ شعور جون نيون راهون ڦٽي پون ٿيون، هن ڪتاب ۾ تمام ڳوڙهن موضوعن تي سائنسي انداز ۾ جامع بحث ڪيو ويو آهي . ڊاڪٽر صاحب جو هي ڪتاب ڪُل پنڌرهن بابن تي هيٺين ريت ترتيبوار لکيو ويو آهي. 1. سمجھ ڇا کي ٿو چئجي؟ 2.ماڻهو راڄ ڪئين ٺهيو ۽ ان جي سمجھ ڪئين ٺهي؟ 3. ڇا ٻولي کانسواءِ ڪا سوچ يا سمجھ ٿي سگهي ٿي؟ 4.سمجھ وسيلي ماڻهو ڇا ٿو ڪري؟ 5.سمجھ حقيقت ۾ آهي ڇا؟ 6.حياتي ڇا آهي؟ 7.احساس جون واٽون ڪهڙيون آهن؟ 8.سوچ جون واٽون اسان جي دماغ تائين ڇا ٿيون پهچائين؟ 9.غلط سوچ ڇو ٿي ٺهي؟ 10.ڀڳوان، ڌڻي ، ديو، ديوتا ڇا آهن؟ 11.ماڻهو جا هٿ ٺهيا، بي ساھ عضوا 12.ماڻهو جو دماغ، ڳتيل ،منظم ، جيئرو مادو. 13.جيڪڏهن سماج نه ٺهي ها ته ڇا سوچ ٺهي سگهي ها؟ 14. روحاني خوشي ڇا آهي؟ 15. سمجھ جو مادي تي اثر. تمام اهم ۽ ڪارائتي سائنسي معلومات تي مشتمل هي ڪتاب سنڌ جي هر پڙهيل لکيل نوجوان توِڙي هر عمر جي فرد کي هڪ ڀيرو ضرور پڙهڻ گهرجي. _ وفا منور زئور هتي ڪلڪ ڪري ڪتاب ڊائونلوڊ ڪيو __
