چيف اليڪشن ڪمشنر جي صدارت هيٺ اليڪشن ڪميشن جو اجلاس ا جاري آهي، سنڌ ۾ مڪاني چونڊن بابت اهم فيصلن جو امڪان ظاهر ڪيو ڇپيو وڃي. سنڌ هاءِ ڪورٽ پاران بلدياتي آرڊيننس ۾ ڪيل ترميمن ۽ تڪ بندين کي رد ڪرڻ واري فيصلي کانپوءِ سنڌ ۾ مڪاني چونڊون هڪ دفعوو ٻيهر رولڙي جو شڪار ٿي ويون آهن، مڪاني چونڊن ۾ حصو وٺندڙ اميدوار چونڊون ٿين يا نه ٿيڻ بابت پريشاني جو شڪار آهن. سنڌ ۾ مڪاني چونڊن جي حوالي سان پيدا ٿيل نئين صورتحال تي غور ويچار ڪرڻ لاءِ چيف اليڪشن ڪمشنر جسٽس ناصر الملڪ جي صدارت هيٺ اليڪشن ڪميشن جو اهم اجلاس شروع ٿي ويو آهي. ذريعن جو چوڻ آهي ته اجلاس ۾ مڪاني چونڊون اعلانيل تاريخ 18 جنوري تي ڪرائڻ يا تاريخ وڌائڻ لاءِ سپريم ڪورٽ ۾ وڃڻ بابت حتمي فيصلو ڪيو ويندو. سنڌ حڪومت به فيصلو ڪري چڪي آهي ته سنڌ هاءِ ڪورٽ جي فيصلي خلاف سپريم ڪورٽ ۾ اپيل داخل ڪئي ويندي. سنڌ حڪومت جي اڪثر وزيرن جو چوڻ آهي ته مڪاني چونڊون 18 جنوري تي ٿيڻ ناممڪن آهن، جڏهن ته ايڊووڪيٽ جنرل سنڌ جو چوڻ آهي ته سنڌ حڪومت مڪاني چونڊون بروقت ڪرائڻ چاهي ٿي، سپريم ڪورٽ ۾ اپيل داخل ڪرڻ بابت فيصلو سنڌ حڪومت ڪندي.....
