1996 ۾ جڏهن پاڪستان جي شاهد آفريدي ون ڊي ڪرڪيٽ جي تيز ترين سيچري رڳو 37 بالن ۾ ڪئي هئي ته ڪرڪيٽ جي شوقينن کي ڏندي آڱريون اچي ويو هيون ۔۔۔ پر ٽي 20 جي مقبوليت ڪري لڳي اهو رهيو هو ته سندس ريڪارڊ ٽٽڻ ۾ هاڻي دير نه لڳندي۔۔۔ پر مذاهمت جاري رهي۔۔۔ آخرڪار اڄ نئين سال 2014 جي پهرئين ئي ڏينهن نيوزيلينڊ جي رانديگر ڪوري اينڊرسن اهو ريڪارڊ ٽوڙي ڏيکاريو۔۔۔ ڪنهن واقعي سچ چيو آهي ته ريڪارڊ ٺهندا ئي ٽٽڻ لاءِ آهي۔۔۔ 17 سالن جي اينڊرسن ويسٽ اينڊيز جي خلاف پهرين ون ڊي ۾ هڪ بال اڳ يعني 36 بالن ۾ تيز ترين سينچري اسڪور ڪري آفريدي جي ريڪارڊ کي پوئتي ڌڪي ڇڏيو۔۔۔ مجموعي طور هن ناٽ آئوٽ رهندي 14 ڇڪن ۽ 6 چوڪن جي مدد سان 131 رنسون جوڙيون۔۔۔ ياد رهي ته شاهد آفريدي پنهنجي اننگ ۾ سري لنڪا جي خلاف 37 بالن تي 11 ڇڪن جي مدد سان سينچري اسڪور ڪئي هئي۔۔
رڪارڊ هوندا ئي ٽٽڻ لاء آهن ۔۔۔ هن تيز ترين راند جي دور ۾ جنهن ۾ 20 اورن جي راند ۾ 300 اسڪور ٿين ٿا ته پوء آفريدي جي رڪارڊ جو 17 سال نه ٽٽڻ به وڏي ڳالهه آهي۔ اينڊرسن سٺي راند کيڏي ۔۔۔ سٺن رانديگرن کي مان به پسند ڪندو آهيان۔
سهي ٿا فرمايو، ريڪارڊ هميشه ٽُٽڻ لا ئي ٺهندا آهن، پر اينڊرسن جو ريڪارڊ به ٽُٽندي شايد دير نه لڳي، ڇو ته آ پي ايل ۾ گيل 30 بالن تي به سنچري ڪئي آهي۔۔۔
ذيشان رشيد جو نالو هن موضُوع جي جواب ۾ ڏسندي ئي پڪ ٿي وئي ته وڊيو رکي هوندائين۔ ا منٽ ۾ اهو سڀ ڏِسي خوب مزو آيو۔ مهرباني رشيد۔
ريڪارڊ ٽٽڻ بابت آفريدي جو چوڻ آهي ته جنهن وقت منهنجو تيز ترين سينچري جو رڪارڊ ٽٽي پيو ته ان وقت آئون پنهنجي گهر ۾ آرام ڪري رهيو هئس، ته مونکي ڀائيٽي اچي ٻڌايو ته : چا چا اٿ ! ۽ هي ڏس ته تنهنجو 18 سالن کان قائم تيز ترين سينچري جو رڪارڊ ٽٽي پيو۔ آفريدي اهو پڻ چيو ته مان ته سمجهو هو ته ڪرس گيل يا ڪو ٻيو وڏو رانديگر منهنجو ريڪارڊ ٽوڙيندو۔ پر منهنجو ريڪارڊ ٽوڙيندڙ ڪوري اينڊريسن کي ته آئون سڃاڻان ئي ڪو نه، مون ته ڪڏهن ان جو نالو به ناهي ٻڌو۔ برحال هاڻي ته آ سي سي به تصديق ڪري ڇڏي آهي، جنهن موجب هاڻي تيز ترين سينچري جو ريڪارڊ نيوزيلينڊ جي ڪوري اينڊريسن وٽ آهي۔ پر دوستن کي هڪ ٻي دلچسپ ڳالھ ٻڌائيندو هلان ته پاڪستاني رانديگر عمر اڪمل چيو آهي ته هو پاڪستان کي ٻيهر تيز ترين سينچري جو اعزاز واپس ڏياريندو۔
مون کي لڳي ٿو ته آفريڪا جو ڪيپر Quinton de Kock ئي ڪوري ايندريسن جو ٽوريندو۔ڇو ته هي تمام بهترين ۽ تيز بيٽنگ مين آهي۔
