منهنجو نالو سهيل احمد آهي، اصل نوشهرو فيروز ضلعي جي هڪ ننڍڙي ڳوٺ جو رهواسي آهيان، جون 2008ع کان حيدرآباد ۾ رهندڙ آهيان، تازو 2012ع ۾ سنڌ يونيورسٽي مان ماس ڪميونيڪيشن ۾ بي ايس ڪئي آهي، آڪٽوبر 2009ع کان صحافت سان لاڳاپيل آهيان، جون 2012ع کان سنڌ ايڪسپريس سان لاڳاپيل آهيان، سب ايڊيٽر طور اسلام آباد کي ڏسندو آهيان، مطلب خبرون ٺاهيندو آهيان، قومي اسيمبلي هجي، سينيٽ، سپريم ڪورٽ يا ڪو ٻيو۔ ان کان اڳ ڪاوش اخبار ۾ 2 سال رهيو آهيان ۽ مهراڻ ٽي وي تي پڻ ڪم ڪيو آهي، تازو هڪ سماجي تنظيم طرفان 9 مهينن لا هڪ ماهوار اخبارڪڍڻ جو ٺيڪو ڏنو ويو آهي، جيڪا جون 2014 تائين جاري رهندي۔ هن فورم ۾ نئون آهيان، باقي ٻيو ڪل خير۔ هڪ عام ماڻهو کان سوا ٻيو ڪجهه به ناهيان۔
ادا سهيل احمد پيارا هن پيار ڀرئي فورم تي اوهانکي ڀلي ڪار چئون ٿا ۔ صحافت سان وابستگي نه آهي ان ڪري ڀلي ڪار به سادن لفظن ۾ قبول پوي۔ هميشه سلامت رهو۔
صحافتي ميدان سان واڳيل محترم سهيل احمد سومرو صاحب کي سنڌ سلامت تي ڀليڪار ڪجي ٿي۔ هي، ملڪ، اسان جي سنڌ ۽ معاشرو هن وقت لاتعداد مسئلن جي ور چڙهيل آهي ۽ ميڊيا ان سلسلي ۾ اهي مسئلا اجاگر ڪري رهي آهي۔ اميد ته اوهان پڻ سچائي جو ساٿ ڏيندي پنهنجي قلم ذريعي اسان جي مسئلن جي صحيح اپٽار ڪندا رهندا۔ سنڌ سلامت جو هي فورم سنڌي ٻولي جي ترقي سان گڏ نوجوان ۽ نون لکندڙن کي موقعا ڏيندو آهي ته پنهنجون تخليقون پيش ڪن۔ اميد اوهان اسان جي رهنمائي ڪندا رهندا۔
سائين هن سهڻي سنگت جي جوڙيل اڱڻ تي اسان به اوهان کي دل جي گهراين سان خوشش آمديد چئون ٿا اوهان جون ڊگريون ڏسي اوهان جو تجربو پڙهي اوهان کان گهڻو علم هن اڱڻ تي ونڊ ٿيندي نظر پيو اچي انشاءِ الله الله سٺو ساٿ رهندو۔ جاڏي پير تاڏي خير۔
خوبصورت خيالن جي مالڪ محترم سهيل احمد سومرو کي سنڌ سلامت جي سهڻي فورم تي ڀليڪار ڪجي ٿي۔ سنڌ سلامت سنڌ ۽ سنڌي ٻوليء لاء جاکوڙيندڙ فورم آهي۔ هڪ اهڙوآڱڻ جيڪو سڀني کي لکڻ ۽ خيالن جي اظهار جو برابر جو موقعو ڏئي ٿو۔ سنڌ سلامت هڪ اهڙو فورم جتي اوهان لکڻ سان گڏ دوستن جا خيال پڙهي ۽ انهن تي پنهنجا ويچار ڏئي سگهو ٿا۔۔۔۔ اوهان جا خيال پڙهيا آهن۔ اميد ته اوهان سنڌ سلامت تي لکڻ جو عمل جاري رکندي اسان جي رهنمائي ڪرڻ سان گڏ هتان گهڻو ڪجهه پرائي سگهندا۔
