هوئن ته هر مسلمان جو نبي پاڪ صلي الله عليه والسلم سان محبت جو الڳ الڳ اظهار آهي۔۔ ۽ هي اظهار ربيع الاول جي مهيني ۾ ته عروج تي نظر ايندو آهي۔۔ ڪجهه اهڙوئي اظهار روس جي رياست چيچينا ۾ ٿيو جتي چيچن رهنما رمضان قاضي رئوف اعلان ڪيو ته جيڪو شخص پنهنجي نئين ڄمندڙ ٻار جو نالو “محمد” رکندو ان کي هڪ هزار ڊالر انعام طور ڏنا ويندا۔۔۔ رمضان قاضي رئوف حضور اڪرم صلي الله عليه والسلم جن سان پنهنجي محبت جو اظهار 12 ربيع الاول تي ولادتِ نبي پاڪ جي موقعي تي ان اعلان سان ڪيو۔۔ جنهن ۾ سندن جو چوڻ هو ته اهو خيال دراصل سندن والده کي آيو ان لاءِ انعام طور ڏنل هديو دراصل سندن والده طرفان هوندو۔۔۔ ان اعلان ۾ اهو پڻ چيو ويو آهي ته جيڪي والدين پنهنجي نين ڄاول ڌيئرن جا نالا امهات المومنين جي نالن تي رکندا ته انهن کي پڻ هڪ هزار ڊالر انعام طور ڏنو ويندو ۔۔۔ حوالو
