سکر مان ممتاز بخاري فيسبوڪ تي اپڊيٽ ڪيو آهي: دوست تعليم جي حوالي سان پنهنجي دردن جو اظهار ڪن ٿا، بند اسڪولن ۽ گوسڙو استادن جو ذڪر ٿئي ٿو. پر هڪ پاسو مان به توهان کي ٻڌايان ٿو، جنهن تي 16 سال اڳ روزاني سنڌ اخبار ۾ اسٽوري ڪئي هئم. پر هاڻ صورتحال وڌيڪ خراب آهي: سال ۾ڏينهن : 365 آچر جون موڪلون : 50 (ٻن مهينن ۾ 5 آچر اچن ٿا) گرميءَ جون موڪلون : 61 ڏينهن سياري جون موڪلون : 14 استادن جون ڪييوئل ليوَز : 25 اڌ ڏينهن جمعي جا ملائي : 25 عيدن جون موڪلون لڳ ڀڳ : 8 ربيع الاول ۽ محرم الحرام: 4 قومي ڏهاڙا : 5 يونيورسٽين جا امتحان : 20 ڏينهن تعليمي بورڊن جا امتحان : 20 واقعن يا ٻين سبب جي ڪري هڙتالن سبب گهٽ ۾ گهٽ : 10 ڏينهن ڪُل موڪلون ٿيون : 242 هاڻي ٻڌايو ته باقي بچيل 123 ورڪنگ ڏينَهن ۾ ڪيترا ڪلاس هلندا هوندا ۽ سبجيڪٽ ڪيترا ڪَوَر ٿيندا.
بلڪل توهان صحيح ٿا فرمايو ان جو گواه مان پاڻ آهيان 8 جنوري کان يونيورسٽي جا پيپر شروع ٿيا جيڪي هاڻي وڃي ڪالهه ختم ٿيا آهن وري شاگرد ايندا ئي مس ته مٿان بورڊ جا امتحان آهن مطلب ته اڃان ڪلاس ٺيڪ طرح سان هلن ئي مس ٿا ته وري ڪو نه ڪو ڏچو آهي ئي آهي ان کان علاوه حڪومت آئي روز آدم شماري اليڪشن ۽ ٻين ڏچن ۾ به استادن کان ڊيوٽي ٿي وٺي ان طرح سان ڪيئن ٿيندو تعليمي نظام بهتر توهان پاڻ سمجهي سگهو ٿا
اهي 123 هلن ته به وڏي ڳالهه چئبي، ظلم اهو آهي ته شاگرد انهن 123 ڏينهن مان به وتندا سيلف ليو جا بهانا ڳوليندا۔ پوءِ ڏوهه وري ٻين تي ته پڙهائي ناهي۔ نوڪري ناهي وغيره وغيره
123 ڏينهن به جيڪڏهن پڙهڻ وارا هجن ته پي ايڇ ڊي تائين پهچي وڃن ٿا۔ هي سڀ جيڪي ٻه اکر لکي رهيا آهن سڀ 123 ڏينهن واري پڙهائي جا پڙهيل ٿا لڳن۔
پر سائين اڄڪلهه يونيورسٽيون پي ايڇ ڊي ته مفت ۾ پيون آڇين ۔۔۔ پر ان لاء وزير ٿيڻو ضروري آهي۔ اڄڪلهه سنڌ يونيورسٽي ۽ شاهه لطيف يونيورسٽي انهن مان اڳتي آهن۔
ادا سليمان وساڻ السلام عليڪم۔ جڏهن اسان جي محبتي اڱڻ جي ۔۔۔۔۔۔۔۔۔۔۔ کي پي ايڇ ڊي واري ڊگري ملندي تڏهن اوهان جي ڳاله تي اسان کي يقين ايندو۔ هون به اعزازي ۽ اصلي ڊگري ۾ ڏينهن رات جو فرق آهي۔
