سنڌ سلامت گوگل ڪروم ايپليڪيشن

[رشيد سمون]

دوستن جو انتهائي مشڪور آهيان جن منهنجي جنم ڏينهن تي مون کي دعائون ۽ نيڪ تمنائون پيش ڪيون۔۔۔ سندن لفظن سان نه رڳو منهنجو حوصلو وڌايو آهي۔۔ پر سنڌي ٻولي کي انٽرنيٽ جي پنن تي پکيڙڻ جي مشن کي وڌيڪ سهنجو بنائڻ لاءِ هڪ ٽانڪ طور پڻ ثابت ٿيا آهن۔۔۔
سنڌ سلامت دوستن جي اهڙن جذباتي احساسن جي موٽ ۾ اڄ پنهنجي جنم ڏينهن تي سندن لاءِ سنڌ سلامت وڌيڪ سهل بڻائيندڙ ٽن پروجيڪٽس مان پهريون جوابي تحفي طور پيش ڪجي ٿو۔۔۔ (ٻيو ۽ ٽيون ڏسو)

سنڌ سلامت گوگل ڪروم ايپليڪيشن ​

هوئن ته هر دوست پنهنجي پسند جي برائوزرس سان لڳائو رکندڙ رهي ٿو پر اڪثريت گوگل ڪروم جي شيدائي آهي جنهن جا سبب تيز رفتار برائوزنگ، استعمال ۾ آسان ۽ سڀ کان اهم انهن لاءِ گوگل اسٽور تي موجود بي شمار ايڪسٽينشن ۽ ايپليڪيشنس پڻ آهن۔۔۔ جن ۾ هاڻي ته سنڌ سلامت طرفان پڻ ڪجهه پيش ڪيل آهن۔۔۔
گوگل ڪروم تي هڪ دفعو سنڌ سلامت کولڻ کان پوءِ گوگل ڪروم تي ٻيهر بس رڳو ايڊريس بار تي انگريزي اکر S پريس ڪرڻ سان ئي مڪمل يو آر کليو وڃي پر جيڪي دوست ڪيبورڊ بجاءِ مائوس ڪلڪنگ کي وڌيڪ استعمال ڪندڙ جا عادي آهن ۔۔۔ انهن لاءِ خاص طور ۽ باقي دوستن لاءِ عام طور سنڌ سلامت ايپليڪيشن حاضر خدمت آهي۔۔۔ جنهن ذريعي نئي ٽيب کوليندي ظاهر ٿيندڙ بلٽ ان ايپليڪيشنس جهڙوڪ گوگل اسٽور، گوگل سرچ، يوٽيوب سان گڏ هاڻي سنڌ سلامت جو آئڪان پڻ موجود ملندو جنهن تي ڪلڪ ڪندي ئي سنڌ سلامت فورم توهان اڳيان حاضر هوندو۔۔۔

حاضر آهي گوگل ڪروم تي سنڌ سلامت ٿيم سان گڏ سنڌ سلامت ايپليڪيشن آئڪان جو نظارو۔۔

سنڌ سلامت گوگل ڪروم ايپليڪيشن انسٽال ڪرڻ لاءِ گوگل اسٽور جي هن لنڪ جو ڦيرو ڀريو۔۔

 

[رشيد سمون]

گهڻا دوست ٿي سگهي ٿو ڪروم جي ورشن جي سيٽنگ مطابق موجوده سيٽنگ پسند نه ڪندا هجن جو ان ۾ پرائيويسي کي به ڪنهن حد تائين نظراندا ڪيو ويو آهي ۽ پراڻي طريقي مطابق ايپليڪيشن صفحو به جانچڻ ڪافي ڏکيو لڳندو هجي۔۔۔ ته ان کي پراڻي لي آئوٽ ۾ تبديل ڪرڻ ممڪن آهي۔۔

ڪروم جو ليٽيسٽ ورشن جو موجوده لي آئوٽ

پراڻي لي آئوٽ کي لاڳو ڪرڻ لاءِ سڀ کان پهريان گوگل ڪروم جو نئون ٽيب کوليو ائڊريس بار ۾ هيٺيون ڪوڊ ڪاپي ڪري پيسٽ ڪريو۔۔۔۔

chrome://flags/#enable-instant-extended-api​

هتي Instant Extended API کي هيٺ موجود آپشنس جي ڊراپ ڊائون مينون منجهان ڊس ايب ڪريو۔۔۔

جنهن سان توهان وٽ پراڻو لي آئوٽ واپس وري ايندو۔۔۔۔ جتان بس هڪ دفعو فوٽر ايريا تي موجود Apps بٽڻ تي ڪلڪ ڪرڻ سان هر دفعي نئين ٽيب ۾ ايپليڪيشن صفحو ئي نظر ايندو۔۔۔

 

[عبدالحفيظ لغاري]

ڳالهه وڻي پر فلحال ته ڪروم ڪريش آهي۔

 

[رشيد سمون]

ڳالهه وڻي پر فلحال ته ڪروم ڪريش آهي۔

ڪروم جي ڪريش جو مسئلو ترت حل ڪريو جو منهنجا ايندڙ پروجيڪٽ پڻ ڪروم لاءِ آهن۔۔۔ ان سلسلي ۾ جيڪڏهن پنهنجو مسئلو واضح ڪريو ته هتي ئي مدد ڏئي سگهجي ٿي ته جيئن سمورن دوستن کي فائدو ٿئي۔۔۔

 

[عبدالحفيظ لغاري]

تمام دير سان ٿو کُلي

 

[رشيد سمون]

حل موجود آهي۔۔۔۔ بس ان انسٽال ڪري ٻيهر آف لائين انسٽالر ۽ اسٽيبل ورجن ڊائونلوڊ ڪري انسٽال ڪري وٺو۔۔۔

 

[فاروق سومرو]

تمام سٺو پروجيڪٽ
هن سان سنڌ سلامت سولائي سان کلندو بس هڪ ڪلڪ
توهان جي وڏي مهرباني جو اهڙي اپليڪيشن تيار ڪئي۔
وڌيڪ ٻين پروجيڪٽ جو انتظار رهندو۔