دلچسپ ۽ حيرت انگيز خبر۔۔۔۔شاعري ۽ نثر جي مداحن ۾ بحث جو نتيجو وڃي قتل تائين پهتو !!! روس ۾ هلندڙ سال ئي قتل جي هڪ واقعي مان هڪ ننڍي ڳوٺ سان ماڻهن اهو سبق سکيو جو ادب سان لاڳاپيل بحث جو نتيجو زندگي وڃائڻ به ٿي سگهي ٿو. ڏکڻ روس ۾ سوير دلووسڪ Sverdlovsk جي خطي ۾ ڏوهن جي جاچ ڪندڙ وفاقي کاتي جي مقامي اهلڪارن ٻڌايو ته هڪ اڳوڻي روسي اسڪول ٽيچر پنهنجي هڪ دوست کي چاقو سان حملو ڪري ان ڪري قتل ڪيو هو جو انهن ٻنهي جي وچ ۾ نشي جي حالت سبب ان باري ۾ گرماگرم بحث شروع ٿي ويو هو ته شاعري ۽ نثر مان وڌيڪ ادبي تخليق ڪهڙي هوندي آهي. روس جي وفاقي تحقيقي ڪميٽي جي سويردلووسڪ ۾ مقامي اهلڪارن جي جاري ڪيل هڪ بيان موجب انهن ٻنهي دوستن جي وچ ۾ نشي جي حالت ۾ شروع ٿيل ادب بابت بحث هڪ اهڙي جهيڙي جي صورت اختيار ڪيو ويو جو شاعري سان چاهه رکندڙ 53 سالن جي اڳوڻي اسڪول ٽيچر چاقو جا وار ڪري پنهنجي ان دوست کي قتل ڪري ڇڏيو جيڪو نثر جي شاعري تي برتري جو قائل هو. ادب ۽ فلسفي بابت فڪري بحث ۾ جيڪڏهن حوصلي ۽ برداشت جو مظاهرو نه ڪيو ويو ته نتيجو ڪيڏو نه خطرناڪ ٿي سگهي ٿو۔
اها ٿي ادب جي انتها پسندي ۔۔۔۔۔ ڪڏهن ڪڏهن ڪو بحث انتها ڏي هليو ويندو آهي، اهڙا ڪيئي مثال اوهان کي فيسبوڪ تي ملندا، جتي روز اسان وارا يار پاڻ ۾ پيا وڙهن ۔۔۔
