راشد سومرو
سينيئر رڪن
سائنس ۽ صحت
ننڊ جي گهٽتائي، ”جنڪ فوڊ“ طرف مائل ڪري ٿي
ماهرن جو چوڻ آهي ته ننڊ پوري نه ڪرڻ سان انسان کائڻ طرف مائل ٿي ويندو آهي ۽ نتيجي ۾ ان جي وزن ۾ اضافو ٿي ويندو آهي. ان نئين تحقيق موجب انساني ذهن لا 24 ڪلاڪن ۾ گهٽ ۾ گهٽ 8 ڪلاڪن جي ننڊ ضروري آهي نه ته دماغ پنهنجو ڪم ٺيڪ طريقي سان نه ڪري سگهندو.ننڊ جي گهٽتائي، ”جنڪ فوڊ“ طرف مائل ڪري ٿي
يونيورسٽي آف ڪيليفورنيا جي تحقيقدانن موجب جيڪڏهن انسان گهٽ ننڊ ڪري ٿو ته ان جي دماغ ۾ موجود فيصلي واري قوت جي جيوگهرڙن جي ڪارڪردگي متاثر ٿيندي آهي، جنهن جي نتيجي ۾ انساني دماغ جا اهي جيوگهرڙا وڌيڪ فعال ٿي ويندا آهن جيڪي خواهشن تي ڪنٽرول ڪندا آهن.
23 نوجوانن تي ٻڌل ان تحقيق ۾ ڏٺو ويو ته جن نوجوانن ۾ ننڊ جي گهٽتائي ڏٺي وئي اهي ”جنڪ فوڊ“ يعني غذائيت کانسوا خوراڪ کائڻ طرف مائل ٿي وڃن ٿا ۽ پنهنجي ان خواهش تي ڪنٽرول نٿا ڪري سگهن. جڏهن ته جنڪ فوڊ کائڻ جو نتيجو وڌيڪ وزن جي صورت ۾ سامهون آيو.
ميٿيو واڪر ان تحقيق جي سربراهي ڪري رهيو هو ۽ نفسيات ۽ نيورو سائنس جو پروفيسر آهي سندس چوڻ آهي ته ان تحقيق سان اها ڄاڻڻ ۾ مدد ملي ته جيڪي ماڻهو گهٽ سمهن ٿا، انهن جو وزن ٻين ماڻهن جي ڀيٽ ۾ وڌيڪ ڇو هوندو آهي؟ ٻئي طرف پروفيسر ميٿيو واڪر جو اهو به چوڻ هو ته ان تحقيق سان اهو به معلوم ٿيو ته جيڪي ماڻهو ننڊ پوري ڪن ٿا اهي بهتر ۽ صحتمند غذائن طرف مائل ٿيندا آهن، جنهن سان اهي صحتمند ۽ چست رهن ٿا.
