محترم ساٿيو جيئي سنڌ ٻه ڏينهن پهرين صوبيه ۽ بختاور جي ڳايل گيتن جو پهريون البم ” مٺيون ڳالهيون“ ڪينجهر انٽر پرائيزس پاران حيدرآباد جي مشهور ممتاز مرزا آڊيٽوريم ۾ مهورت لاٌءِ پيش ڪيو ويو، صوبيه ۽ بختاور جيڪي گيت اتي ڳايا هُئا، سنڌ سلامت جي ٽيم انهن گيتن مان ڪجهه گيت وڊيو جي صورت ۾ رڪارڊ ڪيا هُئا هڪڙو گيت جيئي منهنجي سنڌ ڪالهه توهان سان ونڊ ڪيو هو اڄ وري هي ٻيو گيت مٺيون ڳالهيون توهان سان ونڊ پيو ڪريان، دوستو آواز جي ڪوالٽي هن گيتن جي اپ ٽو ڊيٽ ڪونه هوندي خير پوءِ به مونکي خبر آهي ته سنڌ سلامت جا ساٿي شاهه سائين جي انهيءَ بيت ته ” پريان سندي پار جي مڙوئي مٺائي، ڪانهي ڪڙائي چکين جي چيت ڪري“ منهنجي هن غريباڻي پوسٽ کي جيءَ ۾ جايون ڏيندا۔ دوستن کي اها ڀلي ريت سُڌ هوندي ته هن گيت کي پڪچرائيز ڪرڻ وارو، اسان جو محنتي ڪئميرا مين محترم عبدالغفور سمون آهي۔ ان کان علاوه آئون ڪينجهر انٽر پرائيزس سنڌ وارن جو به شڪريو ادا ٿو ڪريان جن هنن گيتن کي فلمبند ڪرڻ ۾ اسان سان ڀرپور تعاون ڪرڻ فرمايو۔
جواب: مٺيون ڳالهيون صوبيه ۽ بختاور جو ڳايل هڪ گيت ادا مير چانڊيو توهان جي مهرباني۔ چلو ڪير ته آهي جنهن اسان جي هن غريباڻي محنت تي اسان کي شاباسي ڏني، توهان جي همت افزائي جو انتهائي ٿورائتو آهيان۔
