شال! “ريشم جهڙا خواب ” ساڀيا ٿين ڏهرڪي ۾سنڌي ادبي سنگت طرفان جميل سومري جي شاعري جي پهرين مجموعي ”ريشم جهڙا خواب“ جي مهورتي تقريب گورنميٽ پي هاءِ اسڪول م ٿي، مهمان خاص اياز گل هو جڏهن ته صدارت عبدالغفار تبسم ڪئي. ڪتاب جي مهورت عبدالغفار تبسم، منظور اڄڻ، ڊاڪٽر خادم منگي، مبارڪ لاشاري، مشتاق گبول ۽ ٻين پنهنجن هٿن سان ڪئي. مهورتي تقريب کي خطاب ڪندي عبدالغفار تبسم،اياز گل،منظور اڄڻ،ڊاڪٽر خادم منگي، امر اقبال، رميش ڪمار بي ايم، مبارڪ لاشاري، مشتاق گبول، امير حمزي ميراڻي، الهورايو بوزدار، محمد دين راڄڙي، فدا ملڪ، زاهد ڀنگر ۽ آڪاش شمس چيو ته هڪ شاعر جي اسلوب ۽ انداز تي هميشه ماحول، مطالعي ۽ طبيعت جو بهتر اثر هئڻ لازمي آهي. هنن چيو ته جميل سومري جي شاعريءَ کي اسين احساساتي شاعري چونداسين، ڇاڪاڻ جو هن پاڻ ڪويتا جي هار ۾ لفظن ۽ احساسن جا ڦُولَ ڏاڍي پيار ۽ پاٻوهه سان پويا آهن، هن جي لفظن جا ڦُولَ ڪٿي احساسن جي اڌ ٽڙيل گُلاب جي مکڙيءَ جيان ته ڪٿي وري آجپي، امن ۽ پيار ڏانهن واجهائيندڙ سورج مُکيءَ جيان پيا ڀاسن، اسين دل سان دُعا پيا ڪريون ته جميل سومرو جا “ريشم جهڙا خواب ” “سدا سرسبز ۽ شاداب رهن.
جميل بهترين تخليقڪار آهي سندس هيء شاعريء جو مجموعو به دلڪش ئي هوندو ... مان اڃان تائين ڪتاب ناهي پڙهيو. ڪتاب پڙهي ان تي ضرور لکبو.
