قدم قدم تي ڇِتِ ڪُتايون چپن چپن تي خُون آهي

[نثارناز]

پيارا سنڌي دوستو جيئي سنڌ ڦاٽل ٽُٽل پيٽاري (فقيراڻي ٿيلهي) مان هڪڙو پُراڻو غزل نڪري آيو آهي، عجيب غريب ڪپڙا ڊيزائن جي صورت ۾ پارايا اٿم، بس منهنجي پنهنجي تخليق آهي، مطلب سنڌ سلامت جي پنهنجي، ماڻهو عشق ڪندا آهن، يار سمجهي وڃو نه ڪنهن سان عشق ڪندا آهن ، مون ته بُک ۾ صرف ڊبليو ڊبليو ڊبليو ڊاٽ سنڌ سلامت ڊاٽ ڪام سان عشق ڪيو آهي۔ خير شاعري ۽ شاعريءَ واري موضع سان سلهاڙيل هن ڊيزائن تي توهان جا رايا اهي چاهي واڌو هُجن يا ڪاٽو دل جي گهرائين سان ان جي ڀليڪار ڪئي ويندي۔ توهان جي ساٿ جو منتظر

 

[نثارابڙو]

جواب: قدم قدم تي ڇِتِ ڪُتايون چپن چپن تي خُون آهي

ادا ناز، نظم جا ٻول انتهائي اثرائتا ۽ حالتن جي پٽاندر آهن ۔۔ ۔

هتي اسان لئه سال سارو، قسم خدا جو جون آهي!

جنهن دل ۾ باهه ٻرندي هجي ته ان لئه سال سارو ئي جون جو مهينو نه هوندو ته ڇا هوندو ۔۔۔ اوهان انهن لئه جنگ جوٽي آهي جي في الوقت ته ستل آهن پر ۔۔۔
نيٺ ته ڊهندي ڪيسين رهندي دوکي جي ديوار او يار نثار ۔۔۔

 

[رشيد سمون]

جواب: قدم قدم تي ڇِتِ ڪُتايون چپن چپن تي خُون آهي

وري وسي بيداد بستي، وري لهي موسا هتي ڪو۔۔
ننڍو وڏو هن شهر جو هت، ويو بڻي فرعون آ۔۔۔

صحيح لکيو اٿوَ۔۔۔

 

[نثارناز]

جواب: قدم قدم تي ڇِتِ ڪُتايون چپن چپن تي خُون آهي

ادا ناز، نظم جا ٻول انتهائي اثرائتا ۽ حالتن جي پٽاندر آهن ۔۔ ۔

جنهن دل ۾ باهه ٻرندي هجي ته ان لئه سال سارو ئي جون جو مهينو نه هوندو ته ڇا هوندو ۔۔۔ اوهان انهن لئه جنگ جوٽي آهي جي في الوقت ته ستل آهن پر ۔۔۔
نيٺ ته ڊهندي ڪيسين رهندي دوکي جي ديوار او يار نثار ۔۔۔

تون ٺيڪ تون چوين نثار ابڙا، پر ڪا هڪڙي دوکي جي ديوار هُجي ته ٽوڙجي، هتي ته هزارين ديوارون آهن جن کي ٽوڙي ٽوڙي ٿڪي پونداسين پر ۔۔۔۔۔۔۔۔۔۔۔۔۔۔۔۔ نتيجو توکي به خبر آهي ۽ مونکي به خبر آهي
توهان کي منهنجي غزل جو جُونِ وارو بند وڻيو مهربانيون همت افزائين جون

 

[نثارناز]

جواب: قدم قدم تي ڇِتِ ڪُتايون چپن چپن تي خُون آهي

صحيح لکيو اٿوَ۔۔۔

جِي ادا جادوگر توهان تصديق ڪري ڇڏي ڪجهه ڪجهه يقين ڪريان ٿو ته واقعي مون صحيح لکيو هوندو، مٺا تصويري ڊيزائن تي ته تو لکيو ئي ڪونهي حالانڪه مون هن پوسٽ موڪلڻ واري تمهيد ۾ واضح طور لکيو آهي ته شاعريءَ سان گڏ تصويري ڊيزائن تي به پنهنجا واڌو ڪاٽو ڪامينٽس ڏنا وڃن، ڇا منهنجي هي ڊيزائن منهنجي غزل جي مطلع (ٿلهه) سان ٺهڪي پئي يا نه؟

 

[مست]

جواب: قدم قدم تي ڇِتِ ڪُتايون چپن چپن تي خُون آهي

سائين اوهان جي شاعريءَ جو مضمون ئي بنهه الڳ ۽ ”نرالو“ آهي، مٿان وري ان کي سمجهائڻ لاءِ اوهان بلڪل ٺهڪندڙ ڊزائين ۽ تصويرن جو استعمال ڪيو آهي۔۔۔ سائين اوهان جي اهڙي محنت ئي اسان کي اوهان جو معتقد ٿي بڻائي۔۔۔

 

[نثارناز]

جواب: قدم قدم تي ڇِتِ ڪُتايون چپن چپن تي خُون آهي

سائين اوهان جي شاعريءَ جو مضمون ئي بنهه الڳ ۽ ”نرالو“ آهي، مٿان وري ان کي سمجهائڻ لاءِ اوهان بلڪل ٺهڪندڙ ڊزائين ۽ تصويرن جو استعمال ڪيو آهي۔۔۔ سائين اوهان جي اهڙي محنت ئي اسان کي اوهان جو معتقد ٿي بڻائي۔۔۔

ادا ڄامشورائي منهنجي شاعري جي موضع کي الڳ ۽ نرالو چئي بيشڪ تو منهنجي هن غريباڻي تخليق کي هڪ نئين معنا ڏني آهي، شڪر الله سائين جو ، جو توهان منهنجي تصوير واري محنت تي ڪجهه پنهنجا ويچار ونڊيا، ادا اها توهان جي محبت آهي جو معتقد واري ڳالهه لکي آهي تو مون صفا مسڪين ۽ اڻ پڙهيل ٽي درجي واري شاعر جي باري ۾۔

 

[شبانه امتياز سمون]

جواب: قدم قدم تي ڇِتِ ڪُتايون چپن چپن تي خُون آهي

ادا نثار ناز توهانجي هي شاعري لا جواب آهي۔ زبردست

 

[ممتاز علي وگهيو]

جواب: قدم قدم تي ڇِتِ ڪُتايون چپن چپن تي خُون آهي

سائين توهان جي شاعري موجوده وقت جي حساب سان وڙهندي پئي اچي، ۽ اڄوڪي دور ۾ اهيو ڪم به هڪ قسم جو جهاد آهي، حق سچ چوڻ ڪو آسان ڪونهي، ان لاء به دل گردو گهرجي،​

 

[رياض حسين گلال]

جواب: قدم قدم تي ڇِتِ ڪُتايون چپن چپن تي خُون آهي

ادا نثار توهان جي موضوع جي جيتري تعريف ڪجي اها گهٽ آهي . تمام بهترين ونڊ آهي

 

[نرمل]

جواب: قدم قدم تي ڇِتِ ڪُتايون چپن چپن تي خُون آهي

منُڌل مُنڌل مضمون آهي!!!!
ڇا ته خيال ۾ پختگي ۽ نرمل احساسن جا پوتر رنگ ڇلڪن پيا توهان جي هن غزل ۾ زندگي جو اصل مفهوم به انهي منُڌل مُنڌل مضمون جيئان ئي آهي پيارا سائين۔۔۔۔

 

[نثارناز]

جواب: قدم قدم تي ڇِتِ ڪُتايون چپن چپن تي خُون آهي

ادا نثار ناز توهانجي هي شاعري لا جواب آهي۔ زبردست

شبانه امتياز صاحبه توهان جي مهرباني جو منهنجي هن شاعري کي توهان لاجواب ۽ زبردست چيو، مونکي خوشي آهي ته توهان سنڌي ٻولي ، سنڌ ڌرتي ۽ سنڌي ماڻهن جي خدمت ڪرڻ وارو دڳ سنڌ سلامت جو محبتي اڱڻ کي ورتو آهي۔ اسان کي توهان جي مڪمل تعارف جو شديد انتظار رهندو۔

 

[نثارناز]

جواب: قدم قدم تي ڇِتِ ڪُتايون چپن چپن تي خُون آهي

سائين توهان جي شاعري موجوده وقت جي حساب سان وڙهندي پئي اچي، ۽ اڄوڪي دور ۾ اهيو ڪم به هڪ قسم جو جهاد آهي، حق سچ چوڻ ڪو آسان ڪونهي، ان لاء به دل گردو گهرجي،​

توهان سچ ٿا چئو شايد

سنڌ اڱڻ تي انقلاب ،
ايندا قلم جِي نوڪ کان۔(نثارناز)​

يا شيخ اياز جي بقول ته

ٿِي تند وڙهي تلوارن سان۔​

شاعري هڪ جذبي جو نان هوندو آهي، اسان کي هاڻي ته اها به خبر ڪانه ٿِي پوي ته حق ڪنهن کي چئون، ظالمن کي چئون ته ظلم ڪرڻ ڇڏي ڏيو، يا مظلومن کي چئون ته ڪيسين تائين مظلوميت جي چڪي ۾ پيسبا رهندا اُٿو ظالمن سان اٽڪي پئو، پنهنجي راهه نجات حاصل ڪريو، يا ماڳهون پنهنجي پاڻ کي چئون ته اي ٽي درجي جا شاعر لٻاڙ هڻڻ بند ڪري ڪو آجپي وارو دڳ وٺي عملي ڪم ڪري ڏيکار۔​

 

[نثارناز]

جواب: قدم قدم تي ڇِتِ ڪُتايون چپن چپن تي خُون آهي

منُڌل مُنڌل مضمون آهي!!!!
ڇا ته خيال ۾ پختگي ۽ نرمل احساسن جا پوتر رنگ ڇلڪن پيا توهان جي هن غزل ۾ زندگي جو اصل مفهوم به انهي منُڌل مُنڌل مضمون جيئان ئي آهي پيارا سائين۔۔۔۔

ادا نرمل تون نرمل کونهارو آف ڪوٽڙي وارو آهين يا ڪو ٻيو، احساسن جا رنگ وقت جي ڪوري ڪاغذ تي لکي ڇڏيا اٿم، جن جي هٿن ۾ ان وقت کي ڪنٽرول ڪرڻ واري واڳ آهي ڪاش اُهي انهي وقت جو قدر ڪرڻ سکي وڃن۔ مندل مضمون جي جڳهه تي پرفيڪٽ امر جليل جي ڪنهن ڪهاڻي يا جيجي نورالهدى شاهه جي ڪنهن سِٽ وانگر برجستا ۽ پختا ٿي وڃن ته اصل
جنهن وقت هي جوڳي جاڳيا، هن ڀونءَ سڄيءَ جا ڀاڳيا، پوءِ اهي سُور نه رهندا ساڳيا، ڪندا سڀ مست قلندر ٿِي ويندو۔​