هن فلم ۾ گليمر جي مدد کان سواءِ ڪُجهه ڪيفيتن کي ڏيکاريو ويو آهي. امتياز علي جي هدايتڪاري جو اهو ئي ڪمال آهي ته ڀلي ڪهاڻي کان سواءِ به رڳو احساس ڏيکاري مقصد بيان ڪريو وڃي. هن فلم ۾ گهران (جنسي طور حراسيل) ڇوڪري شادي کان ڪُجهه وقت اڳ اغوا ٿي ٿئي ۽ اغوا ڪندڙ ساڻس انتهائي بُرو سلوڪ ٿا ڪن پر سندس عزت آبرو جو خيال رکن ٿا. هي اُن حال ۾ به خوش ٿي رهي ۽ اغوا ڪندڙ کيس انڊيا جا ڪافي علائقا گهُمائيندا اڳتي هلن ٿا. اهڙي ۾ هر علائقي جي پنهنجي راڳ رنگ جو خيال رکندي انهيءَ کي پيش ڪيو وڃي ٿو. راجستان ۾ سنڌي رهن ٿا تنهن ڪري سنڌي ڪلام پيش ڪيو ويو آهي. اهڙو چئلنج مشهور سنگيتڪار اي آر رحمان قبوليو ۽ هر علائقي جي راڳ جي گهُرج پوري ڪندي ڪلام ٺاهيا. مشهور ڊائريڪٽر مهيش ڀٽ جي ننڍي ڌي عاليه ڀٽ هن فلم جي مُک ڪردار ۾ آهي جنهن کي سنڌي ڪلام غور سان ٻُڌندي ڏيکاريو ويو آهي.
ميسيقار آي آر رحمان جا لک قرب جو سنڌي ڪلام هن فلم ۾ شامل ڪيو. اميد ته ٻين فلمن ۾ به سنڌي ڪلام شامل ٿيندا.
