سنڌ سلامت سنڌي ٻولي کي انٽرنيٽ تي عام ڪرڻ ۽ ان جو درست ڏيکاء ڏيڻ لاءِ جتن ڪري رهي آهي ان سلسلي ۾ ڪجهه وقت اڳ سنڌ سلامت ريڊ نالي ايڪسٽينشن رليز ڪيو ويو جنهن ذريعي سوشل نيٽورڪس تي نه صرف سنڌي لکائي کي درست طور ڏسڻ جو اهتمام ٿي سگهيو ... پر ان سان اردو لکائي کي درست ڏيکاء ملي سگهيو...
پر ڪجهه ڏينهن اڳ سنڌ سلامت جي ساٿي محترم ڪليم کهڙو هڪ موضوع موڪلي گوگل ڪروم ۾ فيس بوڪ جي هڪ پريشاني پيش ڪئي هئي... جنهن تحت سنڌي ته ايڪسٽينشن انسٽال ڪرڻ کان پوءِ سنڌي ته درست نظر آئي ٿي پر اردو لکائي پڙهڻ جي قابل نه هئي...
ٻنهي مسئلن ۾ جيڪا مشترڪه ڳالهه هئي سا هئي گوگل ڪروم جو ليٽيسٽ ورجن 33 جنهن جو تجرباتي ۽ ڊيولپمينٽ ورجن پنهنجي اپڊيٽس ته آڻي رهيو آهي پر اڃان تائين ان جو اسٽيبل ورجن رليز نه ٿيو آهي.. جنهن ڪري ڪافي ڪروم ايڪيسٽينشن ڪم نه ڪري رهيا آهن...
سنڌ سلامت ريڊ ايڪسٽينشن جنهن وقت رليز ڪيو ويو هو ته ان کي گوگل جي پراڻن ۽ ان وقت جي جديد ورجن 28 تائين ڪاميابي سان آزمائي چيڪ ڪيو ويو هو پر گوگل طرفان ڪروم برائوزر بار بار اپڊيٽ اچڻ ڪري جتي نوان فيچرس ملي رهيا آهن اتي پراڻا فيچرس متاثر پڻ ٿي رهيا آهن.. اهو ئي سبب آهي جو ڪروم يوزرس اهڙن اپڊيٽس کي واڌو نظر سان نه پيا ڏسن...
مون وٽ گوگل ڪروم جو آخري اسٽيبل ورجن 32 آهي جنهن ۾ هي ايڪسٽينشن درست ڪم ڪري رهيو آهي..
مون وٽ گوگل ڪروم جو آخري اسٽيبل ورجن 32 آهي جنهن ۾ هي ايڪسٽينشن درست ڪم ڪري رهيو آهي..
ان لاءِ سڀ کا پهريان هتي ڪلڪ ڪري ڪروم برائوزر جو 32 نمبر اسٽيبل ورجن ڊائونلوڊ ڪريو، پهرين ورجن کي ان انسٽال ڪريو ۽ ڊائونلوڊ ڪيل 32 ورجن کي انسٽال ڪريو .. هاڻي گوگل ڪروم ايڊريس بار ۾ chrome://plugins لکي انٽر پريس ڪريو...
جتي Google Update نالي پلگ ان ڳولي ان کي غير فعال (Disable) ڪريو...
اميد ته الجهائيندڙ مسئلو سلجهي ويندو...
