ٽي 20 ورلڊ ڪپ : سريلنڪا فائنل ۾ ڀارت کي شڪست ڏئي چيمپيئن بڻجي ويو

پاڪستان وٽ پيس اٽيڪ سان گڏ بهترين اسپنر آهن ۽ ويسٽ انڊيز اسپنرن کي بهتر کيڏڻ ۾ ناڪام آهي. تنهنڪري پاڪستان جي سيمي فائنل ۾ پهچڻ جا امڪان وڌيڪ آهن. پر جيڪڏهن پاڪستان ٽاس هاريو ۽ اڳ ۾ بيٽنگ ڪئي ته مشڪل صورتحال ٿي سگهي ٿي.

باقي جيڪڏهن سريلنڪا، پاڪستان ۽ هندستان سيمي فائنل ۾ آيا ته وڏو مقابلو ٿيندو جو سڀني وٽ ٽاپ ڪلاس اسپنر موجود آهن.

 

سيمي فائنل کان اڳ پاڪستاني ٽيم کي عبرتناڪ شڪست ڏيندڙ ۽ دنيا ۾ ڪاري آنڌي سان مشهور ويسٽ انڊيز ۽ سريلنڪا اڄ پهرين سيمي فائنل ۾ آمهون سامهون آهن. ٻنهي ٽيمن وٽ بهترين بالنگ اسپن موجود آهي.

سريلنڪا بيٽنگ ڻ سنگاڪارا ۽ جي ورڌني سان گڏ ميٿيوز ۽ دلشان تي دارومدار رکي جڏهن ته بالنگ ۾ ملنگا جي صورت ۾ هنن وٽ بهترين فاسٽ اٽيڪ آهي. اسپن ۾ سنانائيڪي، مينڊز ۽ هيراٿ مڃيل اسپنر آهن.

ويسٽ انڊيز وٽ ڪرس گيل، بريوو، سيميوئل ۽ سمي جي صورت ۾ بهترين هٽر موجود آهن جڏهن ته ٽي ٽئنٽي ۾ سنيل نارائن بهترين بالر آهي.

 

سريلنڪا جي ٽيم ٽورنامينٽ ۾ پنهنجي بهترين ڪاڪردگي برقرار رکندي پهرين سيمي فائنل ۾ ويسٽ انڊيز کي ڊڪ ورٿ قانون تحت 28 رنسن تان شڪست ڏئي فائنل ۾ پهچي وئي آهي. ڪالهه ٿيندڙ ميچ ۾ پهريان بيٽنگ ڪندي سرلنڪا 6 وڪيٽن جي نقصان تي 160 رنسون ڪيون، جنهن ۾ ميٿيوز 40، ٿرماني 44 ۽ دلشان 39 رنسون اسڪور ٺاهيون سنتوڪي 2 وڪيٽون حاصل ڪيون.
جواب ۾ ويسٽ انڊيز پهرين ئي اوور ۾ 17 رنسون ٺاهيون پر پوء ملنگا ۽ سينا نائڪي جي خوبصورت بالنگ سبب اسڪور رڪجي ويو. ويسٽ انڊيز جون وڪيٽون به ڪرنديون رهيون. 14 اوورن ۾ ڪاري آنڌي صرف 80 رنسون ڪيون ۽ سندس 4 وڪيٽون ڪريون هيون ته ڳڙي سان گڏ تيز مينهن شروع ٿي ويو ۽ راند ختم ڪئي وئي. ڊڪ ورٿ ليوز تحت سريلنڪا 28 رنسن تان ڪامياب ٿيو. سريلنڪا پاران ملنڪا 2 وڪيٽون حاصل ڪيون.

اڄ ٻئي سيمي فائنل ۾ ڀارت ۽ ڏکڻ آفريڪا آمهون سامهون آهن. ٻنهي وٽ بهترين بالر ۽ دنيا جا مڃيل بيٽسمين آهن. ڏسجي ته ڪير ٿو فتح حاصل ڪري.

 

ٻئي سيمي فائنل ۾ ڏکڻ آفريڪا جي ٽيم پنهنجي روايتن کي برقرار رکيو، ڇو ته ڏکڻ آفريڪا جي ٽيم ڪڏهن به ڪنهن ٽورنامينٽ جي فاتح ڪانه رهي آهي ۽ گهڻو ڪري سيمي فائنل يا فائنل ۾ شڪست کائيندي رهي آهي.

ٽاس کٽي ڏکڻ آفريڪا پهريان بيٽنگ ڪندي 4 وڪيٽن جي نقصان تي 172 رنسون ٺاهيون جيڪو هڪ بهترين اسڪور آهي. هاشم آمله 22، ڪپتان ڊپليسس 58، ڊمني 45 ۽ ملر 23 رنسون ٺاهيون. ايشون بهترين بالنگ ڪندي 3 وڪيٽون حاصل ڪيون.

جواب ۾ ورات ڪوهلي جي شاندار بيٽنگ سبب ڀارت هڪ اوور اڳ ئي ميچ کٽي ورتي، ورات ڪوهلي 44 بالن تي 72 رنسون ڪيون ۽ ناٽ آئوٽ رهيو، جنهن ۾ 5 چوڪا ۽ 2 ڇڪا شامل آهن. رهاني 32 ۽ رائنا 21 رنسون اسڪور ڪيون. اهڙي ريت ڀارت 6 وڪيٽن تان ڪاميابي حاصل ڪئي.

فائنل آچر تي ڀارت ۽ سريلنڪا وچ ۾ ٿيندو.

اسڪور بورڊ لاء هت ڪلڪ ڪيو.

 

​

ميرپور ڍاڪا ۾ ٿيندڙ ٽي 20 ورلڊ ڪپ جي فائنل ۾ سريلنڪا با آساني ڀارت جي ٽيم کي 6 وڪيٽن تان شڪست ڏئي ڇڏي. ٽاس کٽي سريلنڪا پهريان بالنگ ڪرڻ جو فيصلو ڪيو.

ورات ڪوهلي شاندار بيٽنگ ڪئي پر ٻئي اينڊ تان بيٽسمين ڪو به ٻوٽو ٻاري ڪونه سگهيا. جڏهن ته آخري پنجن اوورن ۾ ڀارت صرف 19 رنسون ڪري سگهيو. ملنگا، ميٿيوز، هيراٿ شاندار بالنگ ڪئي. ڪوهلي 77 رنسون ٺاهي ناٽ آئوٽ رهيو. ڀارت مقرر 20 اوورن ۾ 4 وڪيٽن جي نقصان تي صرف 130 رنسون ڪيون.

جواب ۾ سنگارا جي شاندار بيٽنگ سبب سريلنڪا آساني سان 18 هين اوور ۾ ڪاميابي حاصل ڪري پهريون دفعو ٽي 20 جو فائنل کٽيو. ياد رهي ته ان کان اڳ به ٻه دفعا سريلنڪا فائنل ۾ پهتي هئي پر کيس شڪست ملي هئي. سنگاڪارا 52 رنسون ٺاهي ناٽ آئوٽ رهيو جڏهن ته جي ورڌني 24 رنسون ٺاهيون. مهيلا جي ورڌني ۽ ڪمار سنگاڪارا جي آخري ٽي 20 ميچ هئي.

ورات ڪوهلي کي ٽورنامينٽ جو بهترين رانديگر جڏهن ته سنگاڪارا کي ميچ جو بهترين رانديگر نامزد ڪيو ويو.

مڪمل اسڪور بورڊ لاء هت ڪلڪ ڪيو.

​

 

بلڪل ميٿيوز، ملنگا ۽ ڪلوسيڪرا آخري اوورن ۾ شاندار يارڪر ڪرائي ڄڻ ته ڀارت جي رانديگرن کي هٿ ڪڙيون هڻي ڇڏيون.

سريلنڪا هڪ پلان تحت راند کيڏي جنهن جو هڪ ثبوت اهو به آهي ته هنن کاٻي هٿ سان بيٽنگ ڪندڙ رانديگر شامل ڪري ڀارتي اسپنرن لاء بند ٻڌي ڇڏيو.

 

سڀ پيش گويون سچيون سواء ان جي ته ڀارت سيمي فائنل نه پر فائنل ۾ شڪست کاڌي.