ميرغلام محمد خان ٽالپر، ٽنڊي باگي شهر ۾ 1876ع ڌاري جنم ورتو.ان زماني ۾ لاڙجي ماڻهن کي تعليم جي اهميت جي خبر ڪا نه هئي، ان ڪري هو پنهنجن ٻارن کي ڪون پڙهائيندا هئا. ميرصاحب کي تعليم سان دلچسپي هئي. هو چوندو هو تـه انگريزي علم کان سواءِ ترقي ڪرڻ ممڪن ناهي. هن آسپاس جي ماڻهن کي همٿايو ۽ شوق ڏيارو تـه هو پنهنهجي پٽن ۽ نياڻين کي تعليم ڏيارين. 1920ع ۾ مشهور استاد ، اديب ۽ شاعر محمد صديق ”مسافر“ جي صلاح سان هن ٽنڊي باگي شهر ۾ سنڌي اسڪول سان گڏ انگريزي اسڪول قائم ڪيو. مسافر هرڪم ۾ ميرصاحب جو ٻانهن ٻيلي ٿي بيٺو. جلدي مير صاحب پنهنجي خرچ سان اسڪول جي شاندار عمارت سان گڏ هڪ بهترين هاسٽل پڻ ٺهرائي. ان ۾ ڪيترائي شاگرد مفت رهندا هئا. آس پاس جي غريب خاندانن جا هزارين ٻارهن اسڪول مان تعليم پرائي سٺي روز گار سان لڳا. مير غلام محمد ٽالپر کي ڇوڪرن سان گڏ ڇوڪرين جي تعليم جو به اونو هو. ان ڪري هن 1928ع ۾ ٽنڊي باگي شهر جي مير محلي ۾ نياڻين جي تعليم لاءِ هڪ زنانون اسڪول کوليو. همت افزائي لاءِ اسڪول جي ماسترياڻين کي پگهار کانسواءِ کاڌو ۽ رهائش به مفت ملندي هئي. اسڪول ۾ علم سان گڏ ڀرت ڀرڻ‘ ۽ چرخي تي سٽ ڪٽڻ جي سکيا ڏني ويندي هئي. هتي دائين جي سکيا ۽ ڄاڻ جو انتظام پڻ هو. مير غلام محمد ٽالپر انهن ادارن جو سمورو خرچ پاڻ پنهنجي ذاتي آمدني مان ڪندو هو. مير غلام محمد ٽالپر 12فيبروري 1923ع تي وفات ڪيائين. هي معلومات ڏهين ڪلاس جي شاگرد گل محمد ملڪاڻي ڏني آهي.
سائين جيڪڏهن ڏنل معلومات کي درست سمجھون ته پوءِ http://www.talpur.org/Home/mankani-...ir-yar-muhammad-khan/mir-ghulam-muhammad-khan هن لنڪ کي ڇا سمجھون؟ ان کان علاوه سنڌ ٽيڪسٽ بڪ بورڊ جي درسي ڪتاب چوٿين آسان سنڌي ۾ تاريخ وفات سنه 1932ع لکيل آهي. هاڻ دوست رهنمائي ڪن ته اسان ٻارن کي ڪهڙي تاريخ ٻڌايون؟
