هن سان ملو، هي آهي Sevilay Tekin. منهنجي ڊپارٽمينٽ جي پٽيوالي آهي. تمام بهترين آفيس اٿس، انٽرنيٽ سان ڳنڍيل آهي. پريان پيل ٿيلهو Sevilay Tekin جو آهي. پاڻ هر وقت مسڪرائيندي رهندي آهي. مون کي فيسبُڪ تي فرينڊ طور ايڊ ڪيو آهي. اندازو اهو لڳايو وڃي ته جنهن کان ڪم وٺڻو آهي انهي کي مناسب ماحول ڏجي، مناسب سهوليتون ڏجن. سيولي تيڪن ۽ مهنجي آفيس ۾ ڪو خاص فرق ناهي، پر ماحول جي ڳالهه آهي. قائد عوام يونيورسٽي ۾ مون وٽ آفيس ۾ هر سهوليت موجود هُئي پر اتي ايترو ڪم نه پئي ڪري سگهيس. تبديلي اها آهي جو هتان هر وقت ٽرانسپورٽ ملي سگهي ٿي، آفيس ۾ دير تائين ڪم ڪندا رهون، ڪير اعتراض نه ڪندو. وڏي ڳالهه ته کاڌي پيتي جون شيون هر وقت ملي سگهي ٿيون. ڪو ڊپ ڊا ڪونهي ڪو ته ڪو ليپ ٽاپ ڦري وٺندو. مون ته حيرت ٿي رهي ته مون کي اضافي سهوليت ڪانهي پر پو به پرفارمنس سُڌري رهي آهي!!! ڪافي اهڙيون اپليڪيشنس جيڪي تحقيق ۾ تيزي آڻڻ لا۽ ضروري هجڻ کپن اهي پاڻ ئي ڳولي ڪافي بهترين طريقن سان استعمال ڪري رهيو آهيان. ضرورت انهي ڳالهه جي آهي ته نوجوانن ۽ ٻارن جي حوصله افزائي ڪجي جيئن اهي اڳتي هلي پنهنجي لاءِ مناسب ڪيريئر ۽ ماحول جي چونڊ ڪري سگهن.
تحقيق لاءِ ته اهو لازمي آهي ته ماڻهو بُنيادي ضروري شين لاءِ فڪرمند نه هُجي. خاص ڪري تحفظ جو يقين هُجي. مون کي ياد اچي پيو ته هڪ دفعي آفيس ڪليگ پاڻ ۾ ڪچهري ڪندي ويٺي ڳالهه ڪئي ته پاڪستانين جي تحقيقي ڪم کي شَڪ جي نگاهه سان ڏِٺو ٿو وڃي ته مون چيو ظاهر آهي اهو ته ٿيندو . . جڏهن عباس ٽائون ۾ ڌماڪي سان ماڻهن جي ڪنن جا پردا ڦاٽندا هُجن ۽ آئون انهيءَ وقت ويٺو رسرچ پيپر سبمٽ ڪريان ته شڪ ته ٿيندو نه؟ پر ڇا ڪجي اتدا بُخاري وار ڳالهه زندگي اهڙي آ پو ڇا ڪجي؟
يار اها مائي ته وڏي مزي ۾ آهي جو پٽيوالي طور ڪم ڪري ٿي پر سڀ سهوليتون اٿس ... اسان وٽ بدقسمتي اهائي ٿي آهي جو طبقاتي نظام قائم ٿي ويو آهي. وڏا ماڻهو، پئسي وارا، بيورو ڪريٽ، بزنس مين، سياستدان پنهنجا ٻار سرڪاري اسڪولن ۾ نه ٿا پڙهائن جنهن ڪري سرڪاري اسڪول، اسپتالون تباهه ٿي ويون آهن. جيڪڏهن سڀني جا ٻار ساڳي ماحول ۾ پڙهن ته پوء ڏسو ته تبديلي ڪيئن نه ٿي اچي؟ ترڪي وارا خوش آهن جو هتي اهو امير ۽ غريب جو فرق ناهي، سڀني لاء سهوليتون آهن، عوام پاڻ کي محفوظ سمجهي ٿو.
تمام سٹهی گاله آهی. ء یقینا ان طرح تحقیقی کم م سدهارو به آیو هوندو. هت اسان وٹ بجلی ئی نه آهی ته تحقیقی کم جیکا تهوری همت هجی سا به ختم تهیو ونجی.
اسانوٽ تبديلي غير ممڪن ته ڪونهي پر انتهائي مشڪل ضرور آهي ، جيسين سرمائيداري ، جاگيرداري ، ۽ طبقاتي نظام جو خاتمو ته ٿيندو تيسين ممڪن ڪونهي ته ڪا تبديلي اچي
