مشهور ڀارتي صحافي، مصنف، ڪالم نگار ۽ ناول نگار خشونت سنگهه اڄ صبح دهلي ۾ انتقال ڪري ويو، سندس عمر 99 سال هئي. سندس پيدائش 1915ع ۾ ضلع خوشاب جي ڳوٺ ۾ ٿي. ابتدائي تعليم دهلي ۽ وڌيڪ تعليم لاهور مان حاصل ڪيائين. اعلى تعليم ڪيمبرج يونيورسٽي مان حاصل ڪري لاهور ۾ وڪالت شروع ڪيائون. 1940ع کان سرڪاري ملازمت سبب ميڊيا سان واسطو پيس ۽ 1951ع ۾ صحافي طور آل انڊيا ريڊيو تي نوڪري شروع ڪيائين. هن 30 کان وڌيڪ ناول ۽ 80 کن ڪتاب لکيا. اي ٽرين ٽو پاڪستان ناول تي کيس عالمي اوارڊ به مليا. هن سکن بابت تاريخي ڪتاب هسٽري آف سک پڻ لکيو آهي. سياست ۾ به رهيو ۽ 1980 کان 1986ع تائين راجيه سڀا جو ميمبر پڻ رهيو.
