نالو: عبدالحئي چاچڙ ولد:پروفيسر ڊاڪٽر عبدالقادر چاچڙ ولد مولانا مفتي عبدالوهاب چاچڙ شاگرد انٽر ڪلاس پري انجنئرنگ گهوٽڪي شريف انور آباد چاچڙ محلا نزد سردار علي محمد خان مهر پارڪ گهوٽڪي. سنه 2011 کان ادب سان چاھ آهي. ذاتي لائبريري گهوٽڪي هن وقت مان حضرت علامه مولانا مفتي عبدالوهاب چاچڙ جون علمي،ادبي ۽ صحافتي خدمتن تي هڪ جامع ڪتاب لکي رهيو آهي. حياتي رهي ته مان هيٺين ڪتابن تي ڪم ڪندس. (1) مولانا مفتي عبدالوهاب چاچڙ جون علمي.ادبي ۽ صحافتي خدمتون)جيڪو عنقريب ڇپجي ويندو( (2) مولانا غلامه غلام مصطفيٰ قاسمي مان انهن مضمونن کي ترتيب ڏيندس جيڪي شريعت پاران ٻه قاسمي نمبر ڪڍيا هئا. (3) سنڌ جي عالمن جي سونهري سوانح حيات هن تي اڌ ڪم ٿيل آهي. (4) مقالات مولانا مفتي عبدالوهاب چاچڙ ٻه جلد ۾ (5) ڊاڪٽر نبي بخش خان بلوچ تي ڪتابن لکندس اهو تقريبن 100 صفحا ٿيندو. (6) تاريخ گهوٽڪي(عالمن،اديبن،تاريخي جاين تي وغيره ) (7) بابا سائين تي هڪ جامع ڪتاب (ڊاڪٽر عبدالقادر چاچڙ ) ترتيب ڏيندس. دوستو دعا ڪجو ته منهنجي انجنئرنگ ۾ سليڪشن ٿي وڃي ان کان بعد انشا الله هي ڪتاب ترتيب ڏيندس. احقر عبدالحئي چاچڙ
سدا خوش هجو اوهان جو تعلق سنڌ جي هڪ علمي خاندان سان آهي. ڪجهه ڏينهن اڳ آرٽس ڪائونسل ۾ ڊاڪٽر سليمان شيخ ذڪر ڪيو هو ته هڪ دفعي شريعت ڪورٽ ڪوٽا سسٽم کي غلط قرار ڏئي ان کي ختم ڪرڻ جو فيصلو ڏنو ... شايد ضياء الحق جو دور هو. ڊاڪٽر سليمان چيو ته مان ڪورٽ خلاف لکي ڪونه پئي سگهيم سو سنڌ جي عالمن جي نالي هڪ چٺي اخبار ۾ لکيم .... بس پوء ته مفتي عبدالوهاب چاچڙ ۽ شايد امروٽي صاحب جي فرزند سان گڏ ڪجهه ٻين عالمن به منهنجي پڇا ڪري اچي ڪراچي پهتا ۽ چين ته اوهان جي خط اسان جون ننڊون ڦٽائي ڇڏيون آهن. سراج الحق ميمڻ سان مشورا ٿيا ۽ ٻئي ڏينهن ئي سنڌ جي هنن محسن عالمن اهڙا ته شرعي دليل ڏيندي ڪوٽا سسٽم کي صحيح ثابت ڪيو جو ڪورٽ مان اسٽي آرڊر ملي ويو ... جيڪو اڃان به لاڳو آهي. ان ڏينهن کان پوء منهنجي مفتي صاحب سان ملڻ جي خواهش وڌي وئي آهي. اوهان جا علمي ۽ علمي شخصيتن بابت ليک سنڌ سلامت جي زينت بڻبا رهيا آهن. ان لاء ٿورائتا آهيون. جيڪڏهن اسان جي سستي ۽ ڪاهلي سبب ڪا موٽ نه به ملي ته اوهان پنهنجو سلسلو جاري رکجو. ڇو ته اهي علمي ليک گوگل سرچ ايبل هجڻ ڪري سنڌ سلامت ذريعي وقت سر سنڌي ماڻهن جي تحقيق ۾ مدد ڪندا رهن ٿا.
