ادا توهان جي مدد کپي اصل ۾ منهنجي بابا کي 4 يا 5 سالن کان خارش نٿي ڇڏي تقريباََ هر ڊاڪٽر کان علاج ڪرايو اٿس، منهن سڄو ڳاڙهو ٿيو وڃينس منهن ۽ ڪنڌ تي ڳاڙها ڳاڙها دٻڙ ٿيو ٿا وڃنس، ٻيو بابا واڍو به آهي جڏنهن رندو استعمال ڪندو آهي ته وڌيڪ خارش ٿي ٿئيس، مطلب ته خبر به نٿي پوي ته ڇا اٿس مهرباني ڪري ڪنهن ڊاڪٽر يا ڪنهن اعلاج جو ڏس ڏيو،
اھو مسئلو مون سان به ڪجه ٽائيم رھيو....... پرھاڻ الله جو شڪر آھي ته ختم ٿي ويو...... مان ڪابه دوا نه ورتي ھئي بس ھڪ ورد ڪيو ھو اھو به ڪجه منٽ بس پو اڄ تائين خارش نه ٿي آھي... ورد آھي "انالله وانا اله راجعون".....اگر فائدو ٿئي ته ضرور ٻڌائجو.....
ادي شيرين...جسم ۾ خارش ٿيڻ جا ڪيترائي سبب ٿي سگهن ٿا. توهان جيڪي علامتون ٻڌايون آهن انهن مطابق اها خارش اسڪن الرجي جي ڪري ٿي سگهي ٿي. اسڪن الرجي ٿيڻ جا به اڻ ڳڻيا ڪارڻ آهن. جيستائين صحيح ڪارڻ معلوم نه ٿيندو تيستائين اهو مرض به ختم ڪو نه ٿيندو. شايد انهي ڪري ڪافي علاج ڪرائڻ باوجود به کين فائدو نه ٿيو آهي. ڪا به صلاح ڏيڻ کان پهرين مريض جي عمر، استعمال هيٺ دوائون، بلڊ پريشر، پهرين ڪرايل ٽيسٽ جا نتيجا خاص طور تي رت جي تفصيلي رپورٽ (CBC) ، بلڊ شگر وغيره معلوم هجڻ ضروري آهي. توهان جي والد کي گهرجي ته ڏينهن ۾ ٽي دفعا وهنجي پوري جسم تي ”پِرڪلي هيٽ پائوڊر “ جو استعمال ڪن. گهڻو پگهر اچڻ جي صورت ۾ فورن ڪنهن ڪپڙي سان اُگهي ڇڏين يا پکي جي ويجهو ڪم ڪار ڪن. پنهنجو ٽاول ۽ صابڻ وغيره جدا استعمال هيٺ آڻين. دوهين، مٽي ۽ دز وغيره کان پرهيز ڪن. رت جون تازيون رپورٽون اچي وڃن ته ٻڌائجو، انهن جي مدد سان ئي بيماري جي درست سڃاڻپ ممڪن ٿي سگهي ٿي. الله پاڪ توهان جي والد کي صحت ۽ سلامت رکي. آمين.
ڀيڻ شيرين ! اهڙي قسم جي خارش منهنجي پهرين نياڻي کي به ٿيندي هئي . ان جي سڄي جسم تي صبح جي وقت اهڙي قسم جا ڊٻڙ ٿي پوندا هئا ۽ سج مٿي چڙهي اچڻ کان پو لهي ويندا هئا . ڪراچي جي ريگل واري اسپتال ۾ ڊاڪٽرن کي ڏيکاري ڏيکاري ٿڪجي پيس . ڪو فرق ڪو نه پيو . پو هڪڙي هندو ڊاڪٽر کي ڏيکاريو مانس جيڪو تمام وڏو تجربيڪار هيو .هن وقت اهو ڪٿي هوندو ؟ زنده به آهي يا نه يا ته مورڳو اسان جي جوڌن ، جيالن ،ڌاڙيلن يا دهشتگردن جي ڊپ کان ملڪ نه ڇڏي هليو ويو هجي .پراڻين ڊائرين ۾ ڪو نالو لکيل هجي . ان ڏسي هڪڙي معمولي دوا ڏني ،بيماري جو سبب۽ رک ٻڌائي ان کان پو ڇڏي ويئي ۽ اڄ تائين شڪايت نه ٿي آهي . سبب اهو ته مريضه کي مليريا جو ڪو جراثيم جسم ۾ رهجي ويو آهي ۽ اهو زنده آهي ۽ هاڻي مليريا ته نه ٿو پيدا ڪري سگهي ،پر ان جو اثر اهڙي خارش جي صورت ۾ پيدا ڪري ٿو . ان کان بچا گرم شين کائڻ کان پرهيز ، تريل آنا ، واڱن برفي کان سوا وڏو گوشت ۽ ريڍو گوشت کائڻ کان پرهيز ڪرائي هيائين . منهنجي نياڻي کي هن وقت ڪا به شڪايت ڪاني .
اها اٽڪل ويهارو کن سالن جي ڳاله آهي . الله ان کي زنده رکيو هجي نهايت سادو ۽ ايماندار ماڻهو هيو .ان وقت عمر رسيده هيو . پر اوهان ٿورو گرم شين کائڻ کان والد صاحب کي ٿوري پرهيز ڪرائي ڏسوس .اميد ته متان ڪو سبب بنجي پوي .
