جيئن ته آئون پيشي جي لحاظ کان هڪ سرڪاري استاد (جي.ايس.ٽي) آهيان ۽ سنڌي ڪمپوزنگ به ڪندو آهيان. هيستائين ٽوٽل 8 سنڌي ۽ اردو ڪتاب ڪمپوز ڪيا اٿم جن مان 04 ڇپجي مارڪيٽ جي زينت پڻ بڻيا آهن. بقايه 04 ڪتاب به ڪمپوز ٿيا پيا آهن. جڏهن ته وڌيڪ 02 ڪتاب ڪمپوزنگ جي مرحلي ۾ آهن. جهولي لال ڪمپوزنگ سينٽر جي نالي سان دوڪان به اٿم. سنڌ سلامت تي پهريون دفعو لاگن ڪيو اٿم. اميد ته دوست رهنمائي ڪندا... سنڌ سلامت.... ساٿ سلامت.... راجڪمار لوهاڻو، ٽنڊوباگو ضلع بدين سنڌ
ادا اوهان کي سنڌ سلامت جي سهڻي اڱڻ تي ڀليڪار ڪجي ٿي. اهو ٻڌي خوشي ٿي ته اوهان ڪتابن جي ڪمپوزنگ سان واڳيل آهيو. سنڌ سلامت به آنلائين سنڌي ڪتاب پي ڊي ايف جي صورت ۾ پڙهڻ لاء پيش ڪري رهي آهي. ان سلسلي ۾ جيڪڏهن ليکڪ يا پبلشر اجازت ڏئي ته اسان سندن ڪتاب سنڌ سلامت ڪتاب گهر ذريعي دنيا جي سمورن سنڌين تائين پهچائي سگهون ٿا. اميد ته اوهان انهن کان راء وٺي ٻڌائيندا. سدا خوش هجو
سائين راجڪمار صاحب هن محبت ڀرئي اڱڻ تي ڀلي ڪار ٿا چئون توهان کي. لوهاڻا گهراڻي بدين جي هڪ دوست کي ئي اهو اعزاز حاصل آهي ته هن پهرين سنڌي ڪامپيوٽرائيزڊ ڊڪشنري (انگريزي کان سنڌي) جي سي ڊي مارڪيٽ ۾ آندي هئي . جنهن ۾ ڪي 10 هزار کن اکر شامل ٿيا ... پر وري ساڳيو ڏُک ته اهو ڪم اپڊيٽ نه ٿيو. وڌيڪ اکرن سان سينگهاريل ان سي ڊي جو ٻيو ڇاپو (ورزن) مارڪيٽ ۾ آيو ئي ڪونه . الاهي جي ڇو ؟ اسان ڌڻي در دعاڳو آهيون ته توهان هن سٿ ۾ شامل ٿي سنڌ ۽ سنڌين جي خدمت ۾ هٿ همراهي ڪرائيندا .... شال آباد هجو .
