ايران ۾ هزارين ماڻهن جي سامهون ڊرامي نما حقيقت ڏسڻ وٽان ملي... جتي هڪ مجرم کي سرِعام ڦاسي ڏيڻ لاءِ سموريون تياريون مڪمل هيون ۽ منظر ڏسڻ وارا دل پڪڙي ايندڙ منظر جا منتظر هيا.. ته ايتري ۾ هڪ برقعو پوش خاتون اچي قاتل جي منهن تي هڪ چماٽ لڳائي ۽ اعلان ڪيائين... ته .. ”هل مون توکي معاف ڪيو...“ تفصيل مطابق بلال نالي نوجوان ست سال اڳ پنهنجي هڪ عمر نوجوان کي جهڳڙي دوران قتل ڪري ڇڏيو هو .. جنهن جو جرم ثابت ٿيڻ تي ان کي موت جي سزا ملي... سرِعام ڦاسي ڏيڻ لاءِ مجرم کي ميدان ۾ آڻي انکين تي پٽي ٻڌي وئي ... جڏهن کيس تختي تي گهلي وٺي وڃڻ لڳا ته قاتل موت پنهنجي سامهون ڏسي رڙيون ڪرڻ شروع ڪيون.. ٻئي طرف مجمع جي دل جون ڌڙڪڻون وڌڻ لڳيون جو قاتل لٽڪائجڻ تي هو.. ته اچانڪ مقتول نوجوان جي جي والده کي دل ۾ رحم اچي ويو ۽ قاتل کي صرف هڪ چماٽ هڻي موت جي منهن مان واپس وٺي آئي... پٽ جي موت جي تڪليف سهندڙ هن ڏکايل ماءِ پنهنجي پٽ جي قاتل ماءُ کي اهڙي ڏک کان بچائي ورتو... ۽ قاتل کي ڦاسي گهاٽ تي موت کان ڪجهه لمحا پهريان معاف ڪري ڇڏيو... سچ چوندا آهن ته انسان جي ڪردار يا ظرف جو اندازو ان وقت ئي هوندو آهي جڏهن ڪو ان جو وڏو نقصان ڪري يا ڪردارڪشي ڪري ۽ پوءِ اهو ماڻهون کيس معاف ڪري ڇڏي...
