زاھد حيدر ملاح
سينيئر رڪن
3جي ۽ 4جي ٽيڪنالوجي اوھان جي جيب تي ڀاري ٿي سگهي ٿي، ٽيلي ڪام ڪمپنين لائسنس جي ڀاري فيسن جو وزن عوام ڏانهن منتقل ڪرڻ جي منصوبه بندي ڪري ڇڏي آھي.
3G & 4G سستي ناھي، ان جي اچڻ سان انٽرنيٽ استعمال ڪرڻ وارن جي جيب تي ڪافي وزن وڌي سگهي ٿو.
لاڳاپيل اختيارين موجب تمام موبائيل آپريٽرز ان ڳالھ جو واضع اشارو ڏيئي ڇڏيو آھي ته
ٽيڪنالوجي جي عام ٿيڻ شرط ٽيرف ۾ اضافو ڪيو ويندو، سيليولر سروسز فراهم ڪندڙ ڪمپنين اضافي وزن عوام ڏانهن منتقل ڪندا، 3G & 4G Technology سان ڪمپيوٽر تي ٿيندڙ ڪم کان موبائيل فون تي وڌيڪ آساني ۽ وڌيڪ اسپيڊ سان ٿي سگهندو، جتي E-Commerce , E-Banking , E-Learning ۽ E-Services کي ھٿي ملندي، اتي ئي موبائيل فون آپريٽرز پنهنجي ڪسٽمرز کان وڌيڪ چارجز وصول ڪندا.
ھن وقت 2جي تي ھڪ ايم بي ڊائونلوڊ ڪرڻ جا سترھن کان ويھ رپيا ڪٽوتي ڪئي پئي وڃي، جنهن سان اندازو لڳائي ٿو سگهجي ته ان جديد ٽيڪنالوجي جي ممڪن قيمت ڇا ٿي سگهي ٿي؟
جڏھن ته موبائيل ڪمپنين جو موقف ھي آھي ته پھرين مرحلي ۾ پوسٽ پيڊ ڪسٽمر جڏھن ته ٻئي مرحلي ۾ پري پيڊ وارن کي سھولت فراھم ڪئي ويندي.
3G ٽيڪنالوجي پڙوسي ملڪن ۾ چڱي خاصي مھانگي آھي، موبائيل فون آپريٽرز ڳالھ جو ڀرپور فائدو وٺڻ جي ڪوشش ڪري رھيا آھن. مثال UAE ۾ 1GB جي مھيني جو پيڪيج 100 درھمن ۾ ڏنو ٿو وڃي، يعني 2600 رپيا پاڪستاني.
