مون کي ننڍي هوندي تاريخ ۾ پڙهايو ويو هو تہ ، اسان جي ٺيٺ مسلمان اڳواڻن ، اسلام ۽ مسلمانن جي بقاءَ دنيا وارن کي مثالي اسلامي حڪومت جو خاڪو ڏيڻ لاءِ ننڍي کنڊ جو هيءُ حصو ورتو هو ، اهو تہ پڌرو آهي ، اهي ٺيٺ مسلمان اڳواڻ وڏيرا ۽ نواب ئي هئا . جيڪي سڄو سال پنهنجن جو رت پي سڄيل رهندا آهن ۽ سال ۾ هڪ ٻہ ڀيرو پنهنجي خدا جو ڏن ڏيڻ لاءِ هڏائون ڀت عام خلق کي کارائي جنت ۾ جڳهہ الاٽ ڪرائيندا آهن ... ها سو ڳالهہ پئي هلي عورت جي ، ادا ، هڪ کان ٻہ چار زالون ۽ وڌيڪ ٻانهيون شريعت پٽاندڙ رکي سگهو ٿا . هن شرط سان تہ سڀني سان انصاف ڪري سگهو ، هڪ ديندار مسلمان لاءِ اهڙو انصاف ڪرڻ ڪا ڏکي ڳالهہ ڪا نہ آهي ، جيڪڏهن انساني ايجاد جهاز ۾ حج جو فرض ادا ڪرڻ جائز آهي تہ پوءِ ، ڪشتن ، معجونن ، ڪيپسولن وسيلي اهڙو انصاف ڪرڻ بہ جائز ٿيو نہ ! ان ڪري ديندارن لاءِ عورتن سان بيانصافي جو تہ سوال ئي پيدا ڪو نہ ٿو ٿئي . سنڌ جا وڏيرا ، پير ، مير ۽ مولوي هِن ڏِسَ ۾ تہ ڪڏهن بہ بي انصافي نہ ڪندا آهن ، نيٺ اهڙي ريت اسلام ۽ اسلامي انصاف جون تقاضائون تہ پوريون ڪرڻيون آهن نہ ! پوءِ الله جنهن کي ايمان جي دولت ڏئي . ناوليٽ ؛ پڇتاءَ ليڪک ؛ ماڻڪ
