دادو خدآباد تاريخي مقبرو ۽ مسجد هڪ رپورٽ سنڌ سلامت جا ساٿيو، منهنجي اهيا ڪوشش رهي آهي ته مان سنڌ سلامت جي دوستن کي سنڌ ڌرتي جي ذري ذري جو سير ڪرايان ۽ اهيو به نوٽ ڪرائيندو هلان ته اسان جي سنڌ جي تاريخي جاين جي موجوده دور ۾ ڪهڙي حالت آهي۔ ۽ سنڌ جي سرمائي سان ڪهڙا هاڃان ڪيا پيا وڃن۔ سنڌ جي ماضي ۾ جيڪي شهر پيرس سان مقابلي ۾ هئا انهن جو موجوده دور ۾ ڪهڙو حال آهي۔ سو دوستو انهن ڳالهين کي من ۾ رکي سنڌ سلامت تي ڪافي هسٽاريڪل، ڊاڪيومينٽريز رپورٽس پڻ لڳايون آهن، مثلن ۔ دادو جي تارخي غار، خيرپورميرس جو ماضي ۽ حال۔ رني ڪوٽ جو قلعو، گورک هل اسٽيشن، منڇرڍنڍ، وغيره وغيره۔ ان کان علاوه مون ڪافي اديبن، شاعرن جون وڊيو رپورٽس پڻ سنڌ سلامت تي لڳايون آهن، اهڙي ريت اڄ به توهان لاء دادو خدآباد جي ڪلهوڙا دور جي مقبري ۽ مسجد بابت هڪ ٻه رپورٽس هت ڏيان ٿو۔ توهان پاڻ ڏسو جيڪو شهر ڪلهوڙا دور ۾ سنڌ جي گادي جو هنڌ به رهي چڪو آهي ان جو موجوده ڪهڙو حال آهي۔۔ http://www.youtube.com/watch?v=DGB5-uR6ffU http://www.youtube.com/watch?v=IWQjzf1rWbo&feature=related http://www.youtube.com/watch?v=02V27BwfhBM&feature=related
جواب: داددو خدآباد تاريخي مقبرو ۽ مسجد هڪ رپورٽ سائين اهڙي بهترين وڊيوز موڪلڻ ۽ انهن کي اسان سان اهڙي سٺي نموني ونڊ ڪرڻ تي اوهان کي جس هجي۔۔۔ توهان جي انهن ڪاوشن مان اسان کي اميد ملي آهي ته انشاءَ الله سنڌ جا قديمي ماڳ ۽ گهمڻ جا مقام دنيا آڏو نروار ڪنداسين
جواب: داددو خدآباد تاريخي مقبرو ۽ مسجد هڪ رپورٽ اسين جڏهن روڊ ذريعي لاڙڪاڻي کان ڪراچيءَ ڏانهن ويندا هئاسون ته هن مسجد سڳوريءَ وٽ ٿورڙو ڊاٻو ڪندا هئاسون، تمام گهڻو مزو ايندو هو ۽ سنڌ جي تاريخي مسجد جي ڇانوري ۾ ويهي سڪون ملندو هو ۔۔۔ ڪلهوڙن جي راڄڌانيءَ جي اها حالت ڏسي عبرت ٿيندي هئي ته سنڌ پنهنجي تاريخ سان ڪيتري ته نا انصافي ڪندي رهي آهي ۔۔۔!!!
جواب: داددو خدآباد تاريخي مقبرو ۽ مسجد هڪ رپورٽ تمام بهترين وڊيوز شيئر ڪرڻ تي توهان جو ٿورائتو آهيان۔ انهي مسجدن جي زبون حالت، اسان جي حڪمرانن کي زور زور سان پڪاري ٿي ته، ڏسو سڀ ڪجهه فنا ٿي ويو، بادشاهه، وزير، نوڪر، چاڪر، سڀ هليا ويندا، فقط رهڻي اها ئي ذات ۽ انهي سان جڙيل هر شيءِ۔ اي لکين ماڻهن جا قاتل، محلن ۾ راتين جو شراب پيئڻ وارا، ٿورو اچي ڪري ڏس، ته هي مسجد پڪاري ٿي، ته اچي ڏس ڪيئي بادشاهه هليا ويا، تون به هڪ ڏينهن فنا ٿي ويندي۔ پوکڻو ٿئي ته پوک نه ويندءِ مند چڙهي
