اسٽرابيري ذائقه دار ۽ فائده مندخوشبودار ڳاڙھي رنگ سان گڏ ساون پتڙين جو تاج پھريل دل جي شڪل سان ملندڙ اسٽرابيري گلاب جي خاندان سان تعلق رکي ٿي، ۽ ان کي محبت جي علامت ۽ صحت جي ضمانت پڻ سمجهو ويندو آھي۔ ھلندڙ ڪجھ سالن اندر پاڪستان خاص طور تي سنڌ ۾ اسٽرابيري جي پوک ۾ ڪافي حد تائين اضافو ٿيو آھي، ان جو ڪارڻ زمين جي زرخيزي جي ڪري پڻ آھي۔ ماھرن جو چوڻ آھي ته اگر زمين زرخيز ھجي ته واڌو پيداوار حاصل ڪري سگهجي ٿي۔ ھي ذائقي سان گڏو گڏ صحت جي تمام گهڻي فائده مند آھي ۽ ان کي پنهنجي روزمره جي غذا ۾ شامل ڪرڻ انتھائي مفيد آھي۔ ھن ميوي جو شمار دنيا جي لذيذ ۽ خوش ذائقه ميوات ۾ ٿئي ٿو۔ اسٽرابيري دنيا جو واحد ميوو آھي جنهن جو ٻج ان جي کل ۾ ٿيندو آھي، ان جي استعمال سان انسان گهڻين قسمن جي بيمارين، موزي مرضن کان بچي سگهي ٿو۔ اينٽي اوڪسي ڊينٽ توھان جي جسم ۾ يورڪ ايسڊ جي مقدار کي وڌڻ ناھي ڏيندو جنهن جي ڪري توھان بک ۾محسوس ڪندا آھيو۔ ان ڪري جنهن کي به بک نه لڳندي ھجي اھو اسٽرابيري استعمال ڪري۔ ان کان علاوه اسٽرابيري جا ڪئي فائده آھن، جھڙوڪ ؛ ان جو ڪثرت سان استعمال ڪندڙ ھميشه چست و تندرست رھندو آھي، ھر شخص ھن ميوي کي پسند ڪري ٿو، ھي گهٽ خوراڪ استعمال ڪندڙ (ڊائيٽ) کي سنھڙو ڪري ٿي. ھن ۾ موجود وٽامن ٽن قسمن سان ڪوليسٽرول کان محفوظ رکن ٿا، ھي خون موجود گهاٽي سڻڀ جي سطح کي گهٽائي، رت کي ڇڊو ڪن ٿا، اسٽرابيري کائڻ سان قوت مدافعت بحال رھي ٿي، جنهن جي ڪري نزلي زڪام، سميت ڪيترن ئي قسمن جي انفيڪشنز کان باآساني محفوظ رھي ٿو. اسٽرابيري چمڙي جي لاءِ پڻ فائدي مند آھي، خاص طور تي عورتن جي لاءِ انتھائي مفيد آھي۔ ان کي کيري وانگر اکين تي رکڻ سان اکين جي سوڄ ختم ٿيندي آھي۔ روزانه ٽي کان چار عدد کائڻ سان نظر ڪمزور ٿيڻ کان محفوظ رھندي آھي۔ اسٽرابيري خون پيدا ڪندڙ ميوو آھي، جلدي ھضم ٿي ويندو آھي، ان کان علاوه شگر جي لاءِ پڻ انتھائي مفيد آھي، ان جي پتڙين جو جوشاندو يا قھوا سنڌن جي سور جا مريض استعمال ڪري سگهن ٿا۔ احتياطي ھدايتون ؛ گردي ، پتي ۽ جگر جي مرض جي صورت ۾ اسٽرابيري جي استعمال کان پاسو ڪرڻ بھتر آھي۔
سائين ملاح صاحب تمام سهڻي ونڊ بهترين تفصيل سان. جي هن جي پيدوار جي باري ۾ ڪاڄاڻ ڏيو ته مهرباني، مثال طور ڪهڙي موسم ۾ ڪهڙي ٻني ۾ ۽ پاڻي جي ڪيتري گهرج ، ڇا هن جو ٻوٽو هڪ دفعو هڻبو يا هر سال ٽماٽي ۽ مرچ وانگر نئين سر پوک پوکبي، هن جو ٻج پوکبو يا پنيري پوکبي.
زاهد صاحب اوهان تمام سهڻو ليک شيئر ڪيو آهي. اسٽرابيري جي پيداوار هاڻي سنڌ ۾ ٿي رهي آهي. اسٽرابيري جي فائدن بابت پڙهي خوشي ٿي.
