زاھد حيدر ملاح
سينيئر رڪن
امپريس مارڪيٽ، ڪراچي
االيگزينڊر ايف بيلي جي مطابق امپريس مارڪيٽ جيڪا ھڪ خوبصورت ۽ شاندار عمارت آھي، اھا ھڪ مشھور ميونسپل انجينئر مسٽر جيمز اسٽريچن ڊيزائن ڪئي ھئي۔ جيڪا گوٿڪ طرز تي تعمير ٿيل آھي۔ ان عمارت جو ڪم مسٽر جيمز جي زيرِ نگراني ۾ مڪمل ٿيو ھو.
امپريس مارڪيٽ جي پيڙھ جو پٿر ان وقت جي بمبئي جي گَورنر سر جيمز فروگسن 10 نومبر 1884ع ۾ رکيو ھو، ۽ ان ئي ڏينهن تي ان ” سر وليم ميري ويدر“ جي ياد ۾ تعمير ٿيندڙ ٽاور جي بنياد رکڻ جي تقريب ۾ پڻ شرڪت ڪئي ھئي۔ ڏوڪڙن جي کوٽ جي ڪري ڪجھ وقت ڪم سُست رفتاريءَ سان پئي ھليو ھو ,امپريس مارڪيٽ 120000 رپين جي لاڳت سان مڪمل ٿي۔
ھن عمارت کي ملڪه برطانيه جي سلور جوبلي جي موقعي تي ان جي ياد ۾ موجوده نالي سان منسوب ڪيو ويو، بعد ۾ ان وقت جي ڪمشنر مسٽر پريچرڊ افتتاحي پروگرام ۾ تقرير ڪندي چيو ھو
" ته پوري بمبئي پريذيڊينسي ۾ صرف بمبئي جي ڪرافورڊ مارڪيٽ، ڪراچيءَ جي امپريس مارڪيٽ جي مقابلي جي آھي وري به ڪراچيءَ جي مارڪيٽ جو ٽاور جيڪو 140 فٽ بلند آھي ۽ ڪرافورڊ مارڪيٽ جي ٽاور کان 12 فٽ وڌيڪ اوچو آھي۔ ٽاور ۾ ھڪ وڏو گهڙيال لڳل آھي، جنهن ۾ 4 ڊائل آھن"۔
.
سينٽ ايندريو چرچ جي ٽاور جي اوچائي 135 فُٽ آھي۔
ڪراچيءَ جو بلند ترين ٽاور گريزن چرچ جو ٽاور آف ٽرينٽي آھي،
جنهن جي اوچائي 150 فُٽ آھي۔
عمارت جي اندر 46 فٽ ويڪر جون 4 گيلريون آھن۔
انتظامي رڪن طرفان آخري ترميم:
