انٽرنيٽ تي پنهنجي سرچ انجن ذريعي متعارف ٿيندڙ ۽ هاڻي انٽرنيٽ تي حڪمراني ڪندڙ ”گوگل“ ڪجهه اهڙن پراجيڪٽس تي ڪم ڪندي رهندي آهي جن کي اسان توجهه جي قابل نه سمجهندا آهيون، پر انهن پراجيڪٽس جي اهمييت وڏي هوندي آهي. جيئن مثال طور گوگل پنهنجي سرچ ڪرڻ جي طريقي سان وڏي وڏي ڊيٽابيس جي ذخيري منجهان معلومات کي سيڪنڊن ۾ اسڪرين تي آڻي ڇڏيو، گوگل ايپس ذريعي اهڙو پليٽ فارم متعارف ڪرايو جتي موبائل ڊولپر پنهنجي تخليق کي رکي سگهن ٿا ساڳئي وقت تي موبائل جا يوزر اُتان اهي ايپس ڊائون لوڊ ڪري سگهن ٿا.. ان کان بعد گوگل گلاسز جهڙا پراجيڪٽ..... پر يقيني طور تي گوگل جي ليبارٽريز ۾ هينئر تياريءَ هيٺ 7 اهڙا منفرد پراجيڪٽ آهن جيڪي انٽرنيٽ ته ڇا پر حقيقي دنيا کي به تبديل ڪندا. 1) گوگل اسمارٽ گلاس (Google Smart Glass) گوگل جي هن پراجيڪٽ جي تفصيل انٽرنيٽ تي عام ٿي چڪي آهي ۽ آمريڪا ۾ ڪيترن ئي ماڻهن کي هي چشما آزمائشي بنياد تي ڏنا ويا آهن ۽ هن سال ئي فروخت ڪيا ويندا. هي گلاس سمارٽ فون جي سموريون خاصيتون رکن ٿا. جيئن مختلف ايپس انسٽال ڪرڻ، وڊيو ريڪارڊنگ، وائيس ريڪارڊنگ، تصوير ڪڍڻ ۽ جي پي ايس ۽ بليوٽوٿ. وائي فائي جي مدد سان هن چشمي کي انٽرنيٽ سان ڪنيڪٽ ڪري اوهان ڊيٽا انٽرنيٽ تي منتقل ڪري سگهو ٿا. ٽيڪنالاجي سان سجايل هي چشمو انٽرنيٽ تي سرچ ڪرڻ سميت مختلف فنڪشنز اوهان لاءِ اکين آڏو دستياب ڪندو جن کي اوهان پنبڻين (پلڪن) جي حرڪت سان ڪنٽرول ڪري سگهندا. 2) بنا ڊرائيور جي هلندڙ ڪار (Google Driver less car) گوگل بنا ڊرائيور جي هلندڙ ڪارن جي ڪامياب آزمائش ڪري ڇڏي آهي، جلدي ان سلسلي ۾ ڪمرشل طور تي وڪري جو آغاز ٿي ويندو، جنهن سان ٽريفڪ حادثن ۾ موت جي شرح گهٽ ٿيندي. 3) اُڏندڙ موٽرسائيڪلون (Flying Bikes) هوا ۾ اُڏندڙ موٽرسائيڪلون جيڪي پنهنجا مخصوص فضائي ٽريڪس پڻ رکنديون. گوگل جي سي اي او ليري پيج اهڙو خيال پيش ڪيو آهي ۽ اُن سان ماڻهن ۾ سائيڪلنگ جو شوق وڌندو. گوگل نه صرف ان تي ڪم ڪري رهي آهي پر اهو پراجيڪٽ ماڻهن جي سوچ کان وڌيڪ اهم ثابت ٿيندو.. 4) اسمارٽ ڪانٽيڪٽ لينس (Smart Contact Lens) جيڪي ماڻهو گوگل گلاس کي پسند نه ٿا ڪن، انهن لاءِ گوگل سمارٽ ڪانٽيڪٽ لينس تي ڪم ڪرڻ شروع ڪيو آهي، ان سان جسم ۾ مختلف مادن جي مقدار جي معلومات جي ڄاڻ به وٺي سگهبي، جيئن گلوڪوز ۽ شگر وغيره.. ٻيا به گهڻا ئي فيچر ان سان لاڳاپيل هوندا جيڪي اڃان گوگل واضح نه ڪيا آهن. 5) گوگل لُون پراجيڪٽ، ڦوڪڻا (Internet Baloons) دنيا ۾ اهڙيون جڳهه جتي انٽرنيٽ جو حصول ممڪن ناهي، انهن مشڪل جڳهن تي به انٽرنيٽ جي رسائيءَ کي يقيني بڻائڻ لاءِ گوگل اهڙن ڦوڪڻن جو تصور پيش ڪيو آهي جيڪي انٽرنيٽ جو هڪ نظام يا لڙي ٺاهيندا. 6) ماڊيولر اسمارٽ فون (Moduler Smart Phones) گوگل جو هي پراجيڪٽ توهان کي پنهنجي موبائل پاڻ تيار ڪرڻ ۾ مدد ڪندا. توهان جي پسند جو فيچر يا حصو هڪ ٽڪڙي جي صورت ۾ دستياب هوندو، جن کي ٻين ٽڪڙن سان جوڙي (Assemble) ڪري اوهان پنهنجو موبائل تيار ڪندا. 7) گيگابائٽ انٽرنيٽ اسپيڊ (Gigabyte InterNet Speed) گوگل جو موقف آهي ته دنيا ۾ انٽرنيٽ کان فائدو حاصل ڪرڻ لاءِ گهٽ ۾ گهٽ رفتار گيگابائٽس ۾ هجي، يعني گهٽ ۾ گهٽ ذريعو آپٽيڪل فائبر ئي استعمال ٿئي. ان سلسلي ۾ گوگل ڪم ڪري رهي آهي هن پراجيڪٽ جي تفصيل منظرِ عام تي نه آئي آهي.
يار ان جو انتظار آهي .... گوگل هونئن به اسان کي مفت ۾ کاري خراب ڪيو آهي. ڏسون ته پئسن واري نيٽ ڪڏهن ٿا آڻين
هن جي انٽرنيٽ اسپيڊ 100ايم بي سيڪنڊ آهي ۽ اپلوڊنگ اسپيڊ جي به ايتري آ. پر هڪ سورس جي مطابق هن جي اسپيڊ 800 ايم بي پر سيڪنڊ کان وڌيڪ آهي. وڌيڪ لا آفيشل ويب سائيٽ تي چيڪ ڪريو.
