ڪو شخص پنهنجي جهڳڙالو زال کان تنگ اچي گهر ڇڏي هزارين ڪوهه پري هڪ ٻئي شهر ۾ اچي رهڻ لڳو. هو ان نئين شهر ۾ پنهنجو نالو بدلائي رهڻ لڳو، پنهنجي ڏاڙهي به وڌائي ڇڏي هُئائين ته مٿي جي وارن کي ڊاءِ به ته جيئن حليو بدليل ڏسجيس ۽ کيس ڪو سڃاڻي نه سگهي. پر جهڳڙالو زال به ڪا تراڙ هُئي ڪٿي ٿي پيڇو ڇڏيس ! گهمندي پُڇندي آخر پنڌرهن ڏينهن اندر کيس تلاشڪري اچي نئين گهر ۾ پُهتيس ! زال کي داخل ٿيندو ڏسي همراه جا چپ ئي خشڪ ٿي ويا ۽ هوش وڃائي ويٺو ۽ همراه ڊپ کان وڃي وهنجڻ جاءِ ۾ پناهه ورتي. زال به نه ڪئي ڪا هم نه تم ! وهنجڻ جاءِ جو دروازو ٽوڙي ويلڻ کڻي اندر داخل ٿي مڙس جو گريبان پڪڙي ٻاهر ڇڪي ڪڍڻ لڳي ته مڙس عاجزي ڪري چوڻ لڳو مڙس : اها وري ڪهڙي حرامپائي آهي بيگم ! ڀلا هاڻ ڇا چين سان تڙ به نٿو ڪري سگهان !
