khadimghirano
سينيئر رڪن
گيت ڍول گھراڻو
هي دنيا سڏي قومن جو مون کي ٿي پيغمبر
پر يار منهنجي سورن جو آهي وڏو دفتر .
پورو پگھار ڪونهي پيٽ جي لئه ته پيارا
گذرن ٿا ڏڪندي سڙندي ڪئي سيءَ ۽ اونهارا
بس حال بڻيا هيڻا مسڪين ٿيس ماستر .
قرضن ۾ جيءُ جلڙيل جيون سڄو اوڌارو
ٻيو اک جي اڙيءَ جو ناتو لڳو نيارو
سورن سٽي ته من کي موئن جو ڪيو کنڊر .
بس ٺاهه جي ٺڳيءَ ۾ ٺهندا هلون پيا ٽلندا
جھريل جند جوڙي جڳ سان جيون پيا جڙندا
مرڪن جا ثمر ارپي ڏکن سان ڀري اندر .
سوچن کي مان سمحاري همت کي ٿو اٿاريان
تڪليف سمجھي تقدير تدبير سان سنواريان
قسمت جي ڪارسازيءَ جو آهيان مان تونگر .
منهنجي به دل ٿي ڏڙڪي ڪنهنجي ساهه ۾ سموئجي
ٺول روح جي ٻسيلي ڪو رمز تي به ريجھي
من جي مساڻ ڌرتي محبت سان بنجي مندر .
هي دنيا سڏي قومن جو مون کي ٿي پيغمبر
پر يار منهنجي سورن جو آهي وڏو دفتر .
پورو پگھار ڪونهي پيٽ جي لئه ته پيارا
گذرن ٿا ڏڪندي سڙندي ڪئي سيءَ ۽ اونهارا
بس حال بڻيا هيڻا مسڪين ٿيس ماستر .
قرضن ۾ جيءُ جلڙيل جيون سڄو اوڌارو
ٻيو اک جي اڙيءَ جو ناتو لڳو نيارو
سورن سٽي ته من کي موئن جو ڪيو کنڊر .
بس ٺاهه جي ٺڳيءَ ۾ ٺهندا هلون پيا ٽلندا
جھريل جند جوڙي جڳ سان جيون پيا جڙندا
مرڪن جا ثمر ارپي ڏکن سان ڀري اندر .
سوچن کي مان سمحاري همت کي ٿو اٿاريان
تڪليف سمجھي تقدير تدبير سان سنواريان
قسمت جي ڪارسازيءَ جو آهيان مان تونگر .
منهنجي به دل ٿي ڏڙڪي ڪنهنجي ساهه ۾ سموئجي
ٺول روح جي ٻسيلي ڪو رمز تي به ريجھي
من جي مساڻ ڌرتي محبت سان بنجي مندر .