واشنگٽن(ع آ نيوز) ڪمپيوٽر سافٽ ويئر ٺاهيندڙ ڪمپني مائيڪرو سافٽ طرفان تيار ڪيل ونڊوز 8 جو وڪرو سست رفتاري جو شڪار آهي. سڌ سماءَ جي عالمي ذريعن مطابق 15 مهينا اڳ متعارف ٿيڻ کان پوءِ هيل تائين ونڊوز 8 جا 200 ملين لائسنس وڪرو ٿي چڪا آهن جڏهن ته ان جي ابتڙ ونڊوز 7 جاري ٿيڻ جي هڪ سال جي مدي ۾ ان جي لائسنسز جي وڪري جي شرح 240 ملين رڪارڊ ڪئي وئي هئي. ڪمپني مطابق ونڊوز 8 جي وڪري جي شرح ۾ گحٽتائي جو بنياد سبب پرسنل ڪمپيوٽر جي خريداري جي شرح ۾ عالمي لاٿ آهي ڇو ته هاڻي دنيا جي مختلف خطن ۾ صارفين پي سي ۽ ليپ ٽاپ بدران سمارٽ فون ڏانهن اتساهجي رهيا آهن.
