پاڻ ۾ وڙھي پنھنجي قوت ختم ڪري ڇڏي سون ته ان جو فائدو ڌاريو سامراج وٺندو! خليفي معاويه“ جي ماءُ ۽ ”ابو سفيان“ جي زال (ھندھه) ھڪ جنگ ۾ ”حضرت حمزه“ جي شھيد ٿيڻ تي سندس جگر ڪڍي چٻاڙيو ھو . پر پوءِ به رسول مقبول صلعم جن جڏھن مڪو فتح ڪري ورتو تڏھن کيس معاف ڪري ڇڏيائين . مورڳو چيائين ته جيڪو سندن گھر ۾ پناھ وٺندو ان کي به معاف ڪيو ويندو. اھو انھيءَ جي ڪري جو ”عرب“ اڃا پوريءَ طاقت ۾ ڪونه آيا ھئا ۽ کين ھر ھڪ عرب جي حمايت ۽ مدد جي شديد ضرورت ھئي!چون ٿا ته رسول مقبول صلعم کي غِيب جو علم ھيو. جي اھو صحي آھي ته پوءِ کيس اول ئي خبر پئجي وئي ھوندي ته ”معاويه“ جو پٽ ”يزيد“، سندس ڏوھٽي جي لاش تي گھوڙا ڊوڙائيندو! پر ان جي باوجود رسول صلم کيس معاف ڪري ڇڏيو. اشداءُ علي اللکفار رحماءُ بينھم (مخالفن تي سختي ڪريو پر پنھنجن تي رحم ڪريو) اھڙيءَ طرح وڏو جگر رکجي وڏي دل ڌارجي ۽ سھپ سان گڏ دانشمندي اچڻ گھرجي ڇو ته اسان به اڃان پوري طاقت ۾ آيا ناھيون. اسين ٽڙيل ۽ پکڙيل آھيون ڌاريو سامراج متحد ۽ تيار آھي. ان سان مقابلي ڪرڻ جي لاءِ اسان کي پنھنجي قوت کي گڏ ڪرڻو آھي پر ٽوڙڻو ناھي جيڪڏھن اول ئي پاڻ ۾ وڙھي پنھنجي قوت ختم ڪري ڇڏي سون ته ان جو فائدو ڌاريو سامراج وٺندو!ـسائين جي ايم سيد
