ڍنڍ جي هن خوبصورت، بي اُوني پکيءَ کي ” پِيهوڙِي“ چيو ويندو آهي. آبڪلاڻي/ سانوڻيءَ ۾ جڏهن ٻنيون ٻارا، ڍنڍون ڍورا پاڻيءَ سان ڀريا پيا هوندا آهن ته ڊگهڙي، ٻه ڦانگي پڇ وارو هيءُ پکي اتي اڪثر نظر ايندو آهي. ڪوڻين ۽ پٻڻين واريون ڍنڍون هن جو پسنديده آماجگاه آهن. پيهوڙي ڪوڻين ، پٻڻ جي پنين ۽ ڪکن پنن کي گڏ ڪري، پاڻيءَ جي سطح تي ئي آکيرو ٺاهي لاٽونءَ جهڙا مينديءَ رنگا آنا ڏيندي آهي. پڌري پَٽ آنا ڏيڻ جي ڪري، اهڙي سونهري موقعي مان فائدو وٺڻ لاءِ سياڻا ڪانوَ به اتي پهچيو وڃن... جنهن کان پوءِ سڄو سڄو ڏينهن ٻنهين پکين ۾ جهيڙو جاري رهندو آهي... پر هميشه وانگر سادگي سياڻپ کان هارايو وڃي ۽ ويچاري پيهوڙي دانهون ڪندي رهجي ويندي آهي.
ڀليڪار سائين ... سٺي ڄاڻ پيهوڙي کي گوگل تي سنڌي ۾ سرچ ڪيم ته ڪٿان ڪابه ڊيٽا نه ملي .... يقينن ويب تي هي پهريون ليک هوندو ان پکيء بابت ... مطلب پيهوڙي به اسان سنڌين جي سادگي ۽ بي اونو هجڻ وانگر سدائين هارائي ۽ دانهون ڪندي ٿي رهي.
هڪ فورم جو اصل روح آهي به اهو ته انهي تي اهو مواد اچي جيڪو نئون يا اضافي معلومات سان هُجي. علي حسن جي هن ليک انهي جي تقاضا پوري ڪئي آهي. اُميد ٿي ڪجي ته علي حسن پاران مواد هن فورم جي حصي ۾ ايندو رهندو.
