گرمي مند جا بهترين ميوه

گرمين ۾ پنهنجو پاڻ کي تازو توانو ۽ صحتمند رکڻ ٻين مندن جي ڀيٽ ۾ گهڻو اهم هوندو آهي. نٽهڻ اُس ۽ سج جي تيز روشني ۾ پاڻ کي کي ٿڌو رکڻ ۽ توانائي حاصل ڪرڻ به انتهائي ضروري هوندو آهي. گرمي توهان جي سوچ کان به وڌيڪ توهان جي جسم مان پاڻي جي صورت ۾ توانائي ٻاهر ڪڍندي آهي. خاص طور تي جڏهن اوهان جي نوڪري ٻاهر فيلڊ ۾ هجي، هتي ڪجهه اهڙي ميون جو ذڪر ڪجي ٿو جنهن کي اوهان پنهنجي ٿيلهي ۾ پاڻ سان گڏ رکي سگهو ٿا. اهي نٽهڻ اُس ۾ توهان کي توانائي ڏيڻ ۾ مددگار ثابت ٿي سگهن ٿا.


هنداڻو:
فائدو، هي اوهان جي هڏين کي طاقت مهيا ڪري ٿو، اوهان جي جسم جو وزن گهٽ ڪري ٿو، نظر ۾ بهتري آڻي ٿو، جيوگهرڙن کي تباهه ٿيڻ کان روڪي ٿو ۽ رت جي دورانيي کي سنڀالڻ ۾ مدد ڏئي ٿو.

غذائي اهميت، هن ۾ پوٽاشيم ۽ وٽامن اي ۽ سي موجود هوندا آهن. ڪوڪ سنيڪ تمام گهڻي گرمي وارن ڏينهن ۾ چيڊرچيز سان گڏ هنداڻي جي ٽڪڙن کي استعمال هڪ آسان ۽ صحت بخش سنيڪ آهي.

کيرو:
فائدو، هي اوهان کي ٿڌو رکي ٿو، ان ۾ ڪيلوري گهٽ هونديون آهن، فائبر، اينٽي آڪسيڊنٽس ۽ پاڻي جو مقدار گهڻو هوندو آهي، هي اوهان جي رت جي دورانيي کي ڪنٽرول ۾ رکي ٿو.

غذائي اهميت، هن ۾ پوٽاشيم سميت وٽامن اي، سي ۽ ڪي تمام سٺي مقدار ۾ هوندا آهن.

ڪوِڪ سنيڪ: تازو ڪٽيل کيري جو استعمال ڪاري لوڻ سان ڪرڻ ڏينهن جي ڪهڙي به وقت هڪ اعليٰ سنيڪ آهي.

انگور:
فائدو، هي مائگرين ۽ هاضمي ۾ خرابي کي صحيح ڪرڻ لاءِ مددگار ثابت ٿيندو آهي. هي چمڙي ۽ نظر لاءِ تمام ڪارآمد آهي. دمي جي بيماري ۾ مددگار ثابت ٿيندو آهي. هي هڪ بهترين اينٽي ايجنگ ايجنٽ آهي. غذائي اهيمت، هن ۾ سيچوريٽڊ، ڪولسٽرول ۽ سوڊيم گهٽ مقدار ۾ هوندا آهن، هي وٽامن سي ۽ ڪي کي حاصل ڪرڻ جو بهترين ذريعو آهي.

ڪوِڪ سنيڪ: فريز ٿيل انگور کي ڏهي ۾ ملائي کائڻ سان زبردست سنيڪ جو مزو وٺي سگهجي ٿو.

انب:

فائدو، انبن ۾ اينٽي آڪسيڊنٽس موجود هوندا آهن، تحقيق مان خبر پئي آهي ته انبن ۾ موجود پولي فينولڪ اينٽي آڪسبيڊنٽس جا ڪجهه طرح جي ڪينسر کان به بچائيندا آهن، هي دل جي دوري ۽ رت جي دورانيي لاءِ به مددگار ثابت ٿئي ٿو.

غذائي اهيمت، هن ۾ فائبر ڀرپور هوندو آهي. هي وٽامن اي، سي، پوٽاشيم ۽ فاسفورس جو بهترين ذريعو آهي.

ڪوِڪ سنيڪ: پڪل انب کائو يا انهن جو ملڪ شيڪ ٺاهي پيو.

ڪيوي:

فائدو، جيڪا عورت ٽي ٻار ڄڻي چڪي آهي، انهن لاءِ هي ميوو بهترين آهي، ڇو جو هي بيمارين خلاف تمام گهڻي مدد ڏئي ٿو، هي ميوو بک به وڌائي ٿو ۽ ننڊ به ڏياري ٿو.

غذائي اهميت، فوليٽ ۽ پوٽاشيم کان علاوه ڊائٽري فائبر، وٽامن ۽ مينگنيز جو به بهترين ذريعو آهن.

ڪوِڪ سنيڪ: مسيڪا پون جيز ۽ رائي بريڊ سان گڏ ڪيوي جو سينڊ وچ کائو.

سٽار فورٽ (ڪيرم بولا)

فائدو: هي اکين ۾ سور جي علاج لاءِ مددگار ٿئي ٿو، مٿي ۾ سور، ڏڍ، ماتا ۽ ارڙي جي علاج ۾ مددگار ثابت ٿئي ٿو.

غذائي اهميت، هن ۾ پينٽوٿنڪ ايسڊ، پوٽاشيم، وٽامن سي ۽ ڪي پر موجود هوندو آهي.

ڪوِڪ سنيڪ: سرنهن جي تيل ۾ لوڻ سان گڏ سٽارفروٽ جا ٽڪڙا بهترين سنيڪ ٿي سگهن ٿا.

موسمي:

فائدو، هي اسان کي ڪينسر ۽ گڙدن جي بيماري کا بچائي ٿو. جيئري جي ڪينسر کان به بچائي ٿو، هي چمڙي ۽ بلڊ پريشر جي بيماري لاءِ به ڪارآمد آهي.

غذائي اهميت، هن ۾ پوٽا شيم، ڪيلشيم، وٽامن اي، سي ۽ پيٽڪين گهڻي مقدار ۾ هوندا آهن.

ڪوِڪ سنيڪ: پنهنجي سلاد ۾ موسمي جو استعمال ڪري کاڌي کي وڌيڪ مزيدار بڻائي سگهون ٿا.

اسٽابيري:

فائدو، چمڙي ۾ پوندڙ جهرين کان محفوظ رکي ٿي، مختلف بيمارين خلاف اوهان ۾ سگهه پيدا ڪري ٿي، ڪينسر خلاف مئوثر آهي ۽ ويم کان پهرين عورتن لاءِ فائديمند آهي.

غذائي اهميت، هي هارمونز ۽ هڏين لاءِ نهايت فائديمند آهي، هن ۾ وٽامن سي ڪافي مقدار ۾ هوندو آهي.

ڪوِڪ سنيڪ: آئيس ڪريم ۾ اسٽرابيري جو استعمال سٺو کاڌو بهترين طور تي ٺهي سگهي ٿو.