اسلام آباد: وفاقي حڪومت ايندڙ مالي سال جي سرڪاري شعبي جي سالياني ترقياتي پروگرام ۾ پيٽروليم ۽ قدرتي وسيلن تحت سنڌ ۾ پيٽرول ۽ گئس جي ڳولا جي منصوبن لاءِ ڪا به رقم مخصوص ناهي ڪئي جڏهن ته چئن مختلف منصوبن جي لاءِ 16 ڪروڙ 67 لک 20 هزار روپيا مخصوص ڪيا ويا آهن. پي ايس ڊي پي 15 -2014ع موجب پيٽروليم ۽ قدرتي وسيلن جي ٽن جاري منصوبن تي 15 ڪروڙ 27 لک روپيا ۽ هڪ نئين منصوبي تي هڪ ڪروڙ 40 لک روپيا خرچ ڪيا ويندا، ان سلسلي ۾ اسلام آباد ۾ پيٽروليم هائوس جي تعمير تي 11 ڪروڙ 67 لک 20 هزار روپيا، پنجاب ۾ سالٽ رينج جي علائقي ۾ ڪوئلي جي ڳولا تي هڪ ڪروڙ 60 لک روپيا ۽ بلوچستان ۾ ڪوئلي جي ڳولا جي هڪ منصوبي تي هڪ ڪروڙ 40 لک روپيا خرچ ڪرڻ جو منصوبو آهي.
