هڪ ڳالهہ تہ اٽل آهي احمد چوي ٿو ، تاريخي سچائي ۽ فطري اصول پٽاندڙ سنڌ رهڻي آهي ، سنڌي مظلوم آهن ، جيت اڳي پوءِ مظلومن جي ٿيندي آهي ، ڇا ڪاڻ تہ هو حق تي هوندا آهن ...، تاريخ ڏانهن اها پهچ (Mythlael) آهي ، تاريخ ڇا آهي ؟ طاقت ، طاقت ، طاقت ٻيو ڪجهہ بہ نہ ، ريڊ انڊين جو ، يا ٻاهران اچي وسندڙ نو آبدگارن جو ؟ آسٽريليا جا اصل باشندا ڪٿي آهن ؟ خود پنهنجي هندستان کي ڏس دراوڙين ۽ آرين ۾ ! تاريخ جو ڌارو ، دراصل ڪن اخلاقي اصول تي ڪو نہ ٿو رڙهي ، بس Time , Space اندر ڪا اڀريل قوت آهي ، جيڪا فيصلي ڪن رول ادا ڪري ٿي ، پوءِ اهو فورس ، ڀلي نٽشي جو انفرداي فروس هجي ، مارڪس جو ڪلاس فورس هجي ، هٽلر جو نسلي فورس هجي ، بهر حال طاقت ۽ فطري اصول بہ اهوئي آهي تہ ، جو سگهو آهي ، سو رهندو ۽ ڪمزور مرندو ، پوءِ آهستي آهستي يا هڪ ئي دفعي ، ۽ زندهہ رهندو تہ ، محڪوم ٿي . لڙهندڙ نسل
