اڀ آسمان سڀ ڳاڙهو جنهڊو هيو

[رسول بخش دائودپوٽه]

اڀ آسمان سڀ ڳاڙو جهنڊو هيو
ڪو ته بندو هيو ڪو ته بندو هيو
جنهن جي مورت مٺي جنهن جي صورت سٺي
قول پنهنجي قوم سان پاڙي سڀ پورا ڪندو هيو
ڪو ته بندو هيو ڪو ته بندو هيو
هر اشو سنڌ تي للڪار ٿي لهندو هيو
ڪو ته بندو هيو ڪو ته بندو هيو
سنڌ پوري گهميو پيادل ٿي پيچرن
وک هميشه وڏي وڏو رکندو هيو
ڪو ته بندو هيو ڪو ته بندو هيو
سنڌ جي سوچ جنهن جي سيني ۾ هئي
سو ته سنڌين جي روح ۾ رهندو هيو
ڪو ته بندو هيو ڪو ته بندو هيو
ساه سنڌ ۾ سدان جنهن جي سيني رهيو
ديس دشمن جي اک ۾ سو ته ڪنڊو هيو
ڪو ته بندو هيو ڪو ته بندو هيو
هن جي دل ۾ سدان سڪ رهي سنڌ جي
ڳالهائڻ ۾ سدان جو مرڪندو هيو
ڪو ته بندو هيو ڪو ته بندو هيو
آسماني اڇل هن جي آغوش ۾
هر سنڌ جي مسئلي تي مچندو هيو
ڪو ته بندو هيو ڪو ته بندو هيو .....بشير خان کي ڀيٽا