دنيا نيوز جي اطلاعن مطابق ڪراچي ايئر پورٽ جي پراڻي ٽرمينل تي دهشتگرن فائرنگ ۽ دستي بمن سان حملا ڪيا ! سيڪيورٽي فورسز ۽ هٿياربندن جي وچ ۾ انڌا ڌند فائرنگ جو سلسلو جاري آهي ، حملي ۾ دهشتگردن جو مقابلو ڪندي 4 اي ايس ايف اهلڪار شهيد ، سيڪيورٽي فورسز سان فائرنگ جي مقابلي ۾ هڪ دهشتگرد فوت ، هڪ مشڪوڪ شخص گرفتار . ذريعن مطابق دهشتگرد فوڪر گيٽ کان داخل ٿيا هئا جن جو تعداد اٺ 8 ٻڌايو پيو وڃي ، حملي کان بعد لا تعداد پوليس ۽ رينجز تعينات ، بم ڊسپوزل اسڪواڊ کي طلب ڪيو ويو ، ايئرپورٽ کان ٻاهرين ملڪ ويندڙ فلائيٽون بند ڪيون ويون ، جڏهن ته پوري ملڪ جي ايئرپورٽن تي ريڊ الرٽ جاري ڪيو ويو ، امدادي ٽيمن لاشن ۽ زخمين کي جناح اسپتال پهچايو ويو ، جناح اسپتال سيڪيورٽي سخت ملير کان فوجي دستا روانه ڪيا ويا آهن ، وزير اعظم پاران ڊي جي ۽ قانوني ادارن کي دهشتگردن لاءِ فوري ڪاروائي ڪرڻ جي هدايت ڪئي وئي ،
