هڪ ڀيرو ٻيهر يزيدي ڪارندا هٿيارن سان ليس ٿي بيگناهه مومنن جو رت وهائڻ لاءِ ميدان عمل ۾ اچي ويا. تفتان جي ويجهو هڪ هوٽل تي لڳ ڀڳ ٻه سئو مومن موجود هئا جو يزيدي لشڪر اچي بمن ۽ جديد هٿيارن سان حملو ڪيو جنهن ۾ 25 کان وڌيڪ مومن شهيد ۽ ڪيترا ئي زخمي ٿيا آهن. اسان ان واقعي تي پاڪستان خاص ڪري بلوچستان جي نام نهاد حڪومت جي ڀرپور مذمت ڪيون ٿا. جيڪي هوا ۽ هوس ۾ مست ٿي پنهنجي وطن جي مظلومن جي خون جو سودو ڪري پاڻ ته آسائشون ماڻهي رهيا آهن. پڻ ان ڳالهه کان بي خبر آهن ته انهن آسائشن جي بدلي ڪيترا گهر اجڙي رهيا آهن ڪيتريون ونيون بيواهه ٿي رهيون آهن ڪيترا ٻار يتيم بڻجي رهيا آهن. اي ظالم حڪمرانؤ، اي مرده ضمير ميڊيا وارو خدا جي قهر کان ڊڄو اوهان کي ڇو ڪروڙين ماڻهن جون آهون نظر نه ٿيون اچن. اسان ان واقعي جي ڀرپور مذمت ڪندي وفاقي حڪومت ۽ خاص طور تي بلوچستان حڪومت کان مطالبو ڪريون ٿا ته ان واقعي ۾ ملوث دهشتگردن کي عبرتناڪ سزا ڏيئي شهيدن جي وارثن سان انصاف ڪيو وڃي.
تمام ڏکائتو واقعو ٿيو آهي ۽ زائرين تي اهڙا حملا اڳ به ٿيندا رهيا آهن، پر رياست مڪمل طور ناڪام ٿيندي نظر پئي اڇي.
