1. جڏهن به ڪو ناراض، غُصي ۾، يا ڪاوڙيل هُجي ته ان کي پُٺي ڏئي ان سان ڳالهايو. انهي سان ناراض شخص جي ڪاوڙ ختم ٿي ويندي. 2. اڇا، منهنجي ٿوري مدد ته ڪجان؟ ماڻهو بُڻيادي طور ته ٿورڙي مدد ڪرڻ خاطر هميشه تيار رهندا آهن. ناراض دوست کي چئجي ته منهنجي ٿورڙي مدد ڪر. انهي سان ٻه ڪم ٿيندا هڪ ته انهي دوست کي مدد ڪندي فخر محسوس ٿيندو ۽ ناراضگي گهٽبي. 3. اڳيون ماڻهو توهان کي ڪا ڳالهه ٻُڌائيندو هُجي ته انهي جي چيل ڪجهه جملن کي ورجائڻ سان اڳيون ماڻهو توهان مان خوش ٿيندو ته توهان هُن جو ڳالهيون ڌيان سان ٻُڌي رهيا آهيو. 4. جيڪڏهن توهان چاهيو ته اڳيون ماڻهو توهان جي ڳالهين سان متفق ٿئي ته توهان ڳالهه ڪندي پنهنجي ڪنڌ هاڪار ۾ لوڏڻ سان اڳيون ماڻهو پُڻ هاڪار ۾ ڪنڌ لوڏڻ تي مجبور ٿيندو. 5. جيڪڏهن ڪو ماڻهو توهان سان ناراض هُجي ته ان کان پينسل يا پين گهُرو ۽ ڪجهه لکڻ شروع ٿي وڃو. انهي سان اڳين ماڻهو کي ناراضگي وسري ويندي. 6. اڳين ماڻهو سان ڳالهائڻ وقت ان جو نالو ٻه، ٽي دفعا ضرور ورجايو، انهي سان اڳيون ماڻهو گهٽ ڳالهائيندو ۽ خوش به ٿيندو پنهنجو نالو ٻُڌي.
هي انجيل جي مشهور آيت ته جي ڪو اوهانکي ساڄي ڳل تي ٿڦ هڻي ته اوهان کي پنهنجو کاٻو ڳل به ڏيو جي ڪو اوهانجو ڪڙتو گُهري ته ان کي قميض به ڏئي ڇڏيو. جي مصداق برابر آهي
انتهائي ڪم واريون ۽ ڪارائتيون ڳالهيون... هوئن ته توهان جي عقل، شعور ۽ علم اسان کي اڳ ئي ڪافي متاثر ڪيو آهي... پر سچي ٻڌايو هي ڳالهيون توهان تجربي جي بنياد تي لکيون آهن... يا خداداد صلاحيتن ذريعي لکيون آهن...؟
هاهاهاهها....... چوري ڪيل آهن. انٽرنيٽ تي نفسيات تي مرتب بلاگ تان. فيسبوڪ تي شيئر ڪيم، حفيظ صلاح ڏني ته ترجمو ڪري سنڌ سلامت تي هڻ. باقي انهن شين جو هلڪو هلڪو تجربو آهي......
سچل ڳوٺ جي مشهور سماجي ۽ سياسي شخصيت تاج محمد وساڻ کي اهو فن الائي سِکي يا قدرتي طور پر آهي ضرور. مون اهي سڀ ڳالهيون منجهس نوٽ ڪيون. پاڻ ٻيو ته ٺهيو ايم ڪيو ايم جهڙي ڏُکي پارٽي جي ماڻهن سان بحث ۾ کين کُٽائي ٿڌو ڪري آمر مشرف دؤر ۾ سچل لاءِ اسڪيمون وٺي ايندو هو. هاڻ به وٽس روز فيصلا ايندا آهن جن ۾ کيس مٿيون ڳالهيون ڪندي ڏسي سگهجي ٿو. تاج محمد سليمان وساڻ جو ماما آهي ۽ ٻئي هن وقت سچل ڳوٺ ۾ گڏجي رهن ٿا.
