سڀ کان اڳ هڪ نظر فوٽو تي جنهن مان مون کي خبر پئي ته فعال رڪنن ۾ (هيروز) جي لسٽ ۾ ٻيو نمبر حاڪم ڪنڀر صاحب آهن مون سندس تحريرون ۽ پروفائل چيڪ ڪرڻ چاهيم پر ڪا تحرير موجود ناهي. ڏسو هي ٻيو فوٽو هاڻي سوال اهو ٿو اڀري ته هن ڪارڪن جون 9566 تحريرون ڪٿان آيون. ۽ ايتريون تحريرون اگر آهن ته ڪٿي؟ ۽ ايتريون تحريرون هجڻ باوجود هن جي ايوارڊ پوائنٽن ۾ واڌارو ڇو ناهي آيو؟ اميد آ ته انتظاميه سٺو جواب ڏيندي.
ادا جانِ عالم انگريزي @ لکي پو نالو لکو، نالو لکندي ئي ڊراپ ڊائون لسٽ اچي ويندي چاهيو ته سليڪٽ ڪري سگهوٿا نالن مان.
هاهاهاها.... يار مون کي اندازو نه هو ته دوست فورم تي ايترو گهرائي رکن ٿا... هوئن توهان جي هن موضوع کان پوءِ مون به توهان تي گهري نظر رکي ته خبر پئي ته..: توهان بي روزگار آهيو يا وري موجوده نوڪري کان تنگ... انڊين موويز کي شوق سان ڏسو... ڪتاب پڙهن سان کڻي گهڻو نه به پر انهن کي گڏ ڪرڻ جو شوق رکو ٿا.. ٻين ويب سائيٽس جي ڀيٽ ۾ سنڌ سلامت تي گهڻو وقت صَرف ڪندا آهيو... ۽ سنڌ سلامت جي هيروز لسٽ ۾ دلچسپي رکو ٿا ۽ شامل ٿيڻ جي خواهش به... پر هڪ ڳالهه ڏسيو هي موبيلنڪ ڊيٽابيس آف لائين واري ڇا ڪهاڻي آ... ڪاٿي توهان به ادا گل سومرو وانگر انٽرنيٽ تي ليڪ ٿيل موبيلنڪ ڊيٽا بيس پاسورڊ سميت حاصل ته نه ڪري ورتو آ...؟ جي ها مٿين ڳالهين لکڻ جو مقصد هيو ته ڪڏهن ڪڏهن بي خيالين ۾ ڪم درست طريقي سان ٿي نه سگهندا آهن ان ڪري ڪافي شيون لڪائڻ وسري وينديون آهن... مون سان به ڪجهه اهو ئي ٿيو... ادا حاڪم علي ڪنڀر بي بي سي سنڌي ڊاٽ ڪام جو ڊيولپر آهي... هڪ دفعي سنڌ سلامت کي جڏهن اپ گريڊ ڪيو ويو ته خواهش ٿي ته ڪا اهڙي سائيٽ ڳولجي جيڪا سنڌ جي ڏورانهن علائقن جي خبرن کي به اپڊيٽ ڪندي رهي .. ان سلسلي ۾ ادا حاڪم جي سائيٽ تي ٿيندڙ اپڊيٽ تڪڙي ٿيندي نظر آئي ... مون ساڻن رابطو ڪيو ۽ کين سنڌ سلامت تي اچڻ جي دعوت ڏيڻ کان سواءِ سندن سائيٽ جا آر ايس ايس فيڊس فورم تي لڳائڻ جي درخواست ڪئي... پاڻ فخر سان اجازت ڏني ۽ سنڌ سلامت تي رجسٽريشن حاصل ڪئي ... گڏ تعارفي موضوع به موڪليو... مون سندن سنڌ سلامت جي رڪنيت کي سامهون رکندي سندس سائيٽ جا آر ايس ايس اهڙي طرح سنڌ سلامت تي لڳايا جو جڏهن به سندن ويب سائيٽ اپڊيٽ ٿيندي هئي ته سنڌ سلامت تي به نئين خبر سان هڪ پاڻمرادو موضوع جڙي پوندو هو... اهڙي طرح سندن اصل ته هڪ ئي موضوع آيو پر سندن نالي سان آر ايس ايس فيڊس ذريعي سنڌ سلامت تي 9565 وڌيڪ موضوع پاڻ مرادو سسٽم تحت آيا... هاڻي سندن تحريرن جي نه ملڻ جو سبب اهو آهي ته ايترن فيڊس اچڻ کان پوءِ جڏهن سنڌ سلامت جي ڊيٽا بيس کي چيڪ ڪيو ويو ته انهن پاڻمرادو فيڊس ڪري ڪافي ايرر ٺهي چڪا هئا... ۽ ڪنهن به وقت ڊيٽابيس ٽيبلس ڪريش ٿيڻ تي هيون... سنڌ سلامت جي ڊيٽا بيس کي سنڀالڻ خاطر سندن نالي تي آيل سمورا پاڻ مرادو موضوع ختم ڪيا ويا ... ان عمل ڪندي ڪجهه غلطيون رهجي ويون جهڙوڪ: سندن تعارفي موضوع جو ڊيليٽ ٿيڻ ۽ ڪيشي ۾ سندن تحريرن جو موجود هجڻ... اميد ته مفصل موضوع مان توهان جي تسلي ٿي هوندي اميد ته باقي خدشا به درست ٿي چڪا هوندا... والسلام
سر نه ته بيروزگار آهيان نه ئي موجوده نوڪريءَ کان تنگ. باقي جيڪي شوق توهان ٻڌايا.(جهڙوڪ مووي ڏسڻ سميت جيڪي به بوڪ مارڪس بار ۾ ٻيا ڪم لکيل آهن، انهن مان ڪنهن سان به منهنجو شوق ناهي. ليپ ٽاپ ڀاء جو هو، ان جي جاب ڪمپيوٽر تي (آٽو ڪيڊ تي نقشا ٺاهڻ) جي آهي. ان ڪري هو ڏينهن جا 12 ڪلاڪ ڪمپيوٽر تي هوندو آ. ان دوران وقت ملڻ تي مووي ڊائون لوڊ ڪري پنهنجي بلاگ تي به رکندو آ. باقي ڪتاب گڏ ڪرڻ جو شوق جي ڳالهه ڪئي ته اسان کي جون جولاءِ دوران هڪ سَمر ڪيمپ ۾ ڪم ڪرڻو پيو آ. جتي اسان جو مقصد 6 هفتن ۾ مشهور 6 ادبي ڪتاب پڙهڻ آهي. ته عبدالواحد آريسر جو ڪتاب ان ڏس ۾ ڊائون لوڊ ڪيم. باقي هڪ سنڌي هئڻ ناتي سنڌ سلامت کي فيس بُڪ کان وڌيڪ وقت ڏيڻ فرض سمجهندو آهيان. باقي هيرو ٿيڻ جي ڪا دلچسپي نه هئي. هڪ موضوع ۾ حفيظ لغاري صاحب فعال رڪنن جو موضوع نه کلڻ بابت چيو ته سوچيم اهي فعال رڪن به ڳولي ڏسجن. ان ڪري ڏسڻ ٿيو. هاڻي توهان ئي ٻڌايو ته ڳالهيون لڪائڻ مان فائدو؟؟؟ اوهان هن سنيپ شاٽ بدران منهنجي پروفائل کي ڏسو ها ته شايد مون بابت ڪجهه حقيقتون ٻڌائي سگهو ها. سائين پيپر ڊاٽ پِي ڪي جي ويبسائيٽ ڏسي اوهان سوچيو هوندو ته شايد نوڪري جي ڳولا ۾ آهيون. پر در حقيقت اها ٽينڊرن جا اشتهار ڳولڻ لاءِ بُڪ مارڪس ۾ رکي وئي آ، ڇو ته ڀاء جي جاب ڪنسٽرڪشن ڪمپني ۾ آ. تازو ڪلهه ٿر ڪول پروجيڪٽ ۾ اينگرو ڪمپني طرفان کيس آفر آئي آ، اميد ته جلد جوائن ڪندو. باقي موبلنڪ آفلائين بابت ته ان کي ئي خبر هوندي. سائين.! ڪنهن کي سمجهڻ لاءِ ان جي بيڪ گرائونڊ کي ڏسڻو پوندو آ، افسوس جو اها اک اوهان استعمال نه ڪري سگهيا. منهنجون حقيقتون هي آهن جيڪي اوهان جي ٻڌايل حقيقتن کان ابتڙ آهن. سول انجنيئرنگ جي ٽئين سال جو شاگرد آهيان. پنهنجو پاڻ مان مطمئن ماڻهو ڪڏهن به جاب پٺيان ناهن لڳندا، جاب انهن پويان لڳندي آ. ان ڪري مون کي به روزگار جو ڪو به اونو ڪونه اٿن. انڊين موويز ڏسندا آهيون پر تمام گهٽ (نئين ڪا مووي هوندي آ ته ڪو دوست زور ڀريندو هو ته سئنيما تي وڃي ڏسي وٺندا هئاسين) ڪتاب پڙهڻ جو شوق اٿم. ۽ ڪافي پڙهي به چڪو آهيان. سنڌ سلامت تي وقت صرف ڪندو آهيان، ڇو ته آئون چاهيان ٿو ٻه مهينا وئڪيشن دوران ڪجهه سکجي ان لاءِ سنڌ سلامت هڪ بهترين ادبي فورم آهي. هيروز لسٽ جي خواهش هجي ها ته تحريرون 3 سال ۾ صرف 443 نه هجن ها. اهو تعداد هزارن ۾ هجي ها.
توهان الائي دل تي وٺي ويو الائي ڇا.. ؟ منهنجو مقصد صرف اهو ٻڌائڻ هو ته ڪڏهن ڪڏهن جيڪو نظر ايندو آ ائين هوندو ناهي...
@جان عالم صاحب اوهان جو تفصيلي جواب وڻيو. مون فعال رُڪنن جي تحرير نه کُلڻ جي ڳالهه ڪڏهن ڪئي اهو ياد ناهي. ٿي سگهي ته لنڪ موڪليو ها. ذيشان رشيد جي وضاحت به پنهنجي جاءِ تي صحيح آهي ته سندن مقصد هو ته جيئن اوهان کي ڪو همراهه بنا تحريرن جي فعال لڳو پر هُيو ڪونه. ايئن ئي وري توهان جي ڀا جو پي سي اوهان جي کاتي ۾ ڪي سوال ۽ اوهان جو غلط خاڪو ٺهرائي ويو.
