منصور سرور
سينيئر رڪن
ٽوڪيو (ع آ نيوز) جاپان جي بلٽ ٽرين جنهن کي دنيا جي تيز رفتار ريل چيو ويندو آهي اها نه صرف اسپيڊ ۾ سڀ کان اڳيان آهي پر هن جي صفائي جو ڪم به سيڪنڊن ۾ ڪيو ويندو آهي. هي بلٽ ٽرين 2 سو ڪلو ميٽر جو مفاصلو هڪ ڪلاڪ ۾ طئي ڪري مسافرن کي سندن منزل تائين پهچائيندي آهي ۽ انهيءَ مناسبت سان پليٽ فارم تي به صرف 12 منٽن جي لاءِ بيهندي آهي. جڏهن ٿوري وقت ۾ مسافر لهي ويندا آهن ته صفائي جي لاءِ رکيل ماڻهن جو عملو بلٽ ٽرين ۾ نون مسافرن جي چڙهڻ کان اڳ ئي ستن منٽن ۾ صفائي عملو پنهنجو ڪم ڪري ويندو آهي ۽ باقي پنج منٽن ۾ مسافر هن ٽرين ۾ ويهي پنهنجي منزل ڏانهن روانا ٿيندا آهن. گهٽ وقت ۾ ٿيندڙ صفائي لاءِ يارنهن ٽيمون آهن ۽ هر ٽيم ۾ 22 ورڪر جيڪي پنهنجي طئي ٿيل حصي ۾ وڃي صفائي ڪندا آهن.