راولپنڊي (ع آ نيوز) طبي ماهرن چيو آهي ته زيتون جو تيل دل جي بيمارين، مشقن جي ڪمزوري ۽ ننڊ جي کوٽ جهڙين بيمارين لاءِ تمام گهڻو فائديمند آهي. زيتون خدا طرفان عطيو آهي. پنهنجي غذائي ۽ طبي اهميت سبب قرآن شريف ۾ ڪيترن ئي جاين تي زيتون جي ميوي جو ذڪر آهي. ماهرن چيو ته زيتون جو وڻ زندگي ۽ امن جي علامت پڻ آهي. زيتون جون هڪ هزار کان وڌيڪ قسمون آهن ۽ ٽي هزار کان وڌيڪ رائج نالا آهن جن مان اڪثر قسمن جو تعلق اسپين ۽ اٽلي سان آهي. زيتون جي سو کان وڌيڪ قسمن جو ميوو آچار يا تيل طور کاڌو ويندو آهي. طبي ماهرن چيو آهي ته زيتون جي تيل جو استعمال دل جي مختلف بيمارين ۽ مشقن جي ڪمزوري ختم ڪرڻ لاءِ فائديمند آهي.
