ٻين موبائيل فونز ٺاهڻ وارين ڪمپنين جي مقابلي ۾ نوڪيا اڪثر فيشن ڊيزائينر سان ملي پنهنجي ڪسٽمرز لاءِ ڪا نه ڪا انوکي شيءِ تخليق ڪري وٺندي آهي.. پر هن دفعي ته هنن ڪمال ئي ڪري ڇڏيو... هن دفعي نوڪيا انگلينڊ جي ڊيزائنر اي سوواز سان ملي هڪ اهڙو پاجامو تيار ڪيو آهي جنهن جي کيسي کي موبائيل فون چارج ڪرڻ جي صلاحيت آهي... جي ها توهان بلڪل درست پڙهيو... مون ڳالهه ڪئي هڪ فون چارج ڪرڻ واري پاجامي جي... توڙي جو اها ڳالهه ڪو چهچٽو ٿي لڳي پر ٽيڪنالاجي کي ڇا چئجي.. جيڪا ڪڏهن ڪڏهن اهڙي رخ کان اڳتي وڌڻ چاهيندي آهي جو ايجاد ڪرڻ وقت ڀلي ان جو فائدو گهٽ هجي پر اڳتي هلي اهڙي عمل مان ڪافي فائدا حاصل ڪري سگهجن ٿا.. هي پاجامون دراصل نوڪيا ڊي سي 50 وائرليس چارجنگ پليٽ استعمال ڪندي کيسي ۾ رکيل فون کي ڪنهن به تار کان سواءِ چارج ڪندو رهندو آهي... نه صرف نوڪيا بلڪي ان جي مدد سان ٻين فونز کي پڻ جيڪي ان ٽيڪنالاجي تي تيار ٿيل هجن کي بي چارج ڪري سگهجي ٿو.. ايمازون مطابق جلد ٿوري وقت لاءِ اهو پاجامو سندن سائيٽ تان پڻ 340 ڊالرز ۾ خريد ڪري سگهبو.. هاڻي مسئلو اهو آهي ته پاجامي کي ڌوئڻو به پوندو ان ڪري اندازو لڳائي سگهجي ٿو هن پاجامي کي گهڻو وقت استعمال نه ٿو ڪري سگهجي... پر ڪمپني ان جو به ڪو حل ته رکيو هوندو.. ان ڪري اهو پاجامو مارڪيٽ ۾ اچڻ کان پوءِ ئي درست طور ڄاڻي سگهبو ته ان جي کيسي مان پليٽ ڪڍي به چارج ڪري سگهبو يا هر وقت کيسي ۾ موبائيل رکي... ۽ اهو به ته پليٽ کي چارج ڪئين ڪبو.. ڪاٿي پوري پاجامي کي ته چارج نه ڪرڻو پوندو.. فون ارينا جي ٿورن سان
