دادو ۾ بجلي جو بريڪ ڊائون، گرمي برقرار، ڪاروبار ٺپ، گيسٽرو سبب 30 ٻار اسپتال داخل دادو(رپورٽ: مقصود چانڊيو) ملڪ جيان دادو ۽ آس پاس ۾ سخت گرمي جي لهر برقرار آهي جڏهن ته سخت گرمي باوجود به واپڊا انتظاميه پاران 16 کان 18 ڪلاڪن جي غيراعلانيه لوڊشيڊنگ ڪئي پئي وڃي جڏهن ته واپڊا پاران گذريل ڏينهن بغير ڪنهن اعلان جي 9 ڪلاڪن جو هاءِ بريڪ ڊائون ڪيو ويو. بجلي جي هاءِ بريڪ ڊائون سبب ڪاروباري زندگي مڪمل طور تي مفلوج رهجي وئي جڏهن ته شهرين بجلي جي لوڊشيڊنگ سبب اذيتن ۾ مبتلا ٿي ويا آهن واپڊا انتظاميه پاران شهر ۾ 9 ڪلاڪ جي غيراعلانيه بجلي جي بندش خلاف شهرين ۾ سخت ڳڻتي ڇانيل آهي شهرين سخت لفظن ۾ مذمت ڪندي چيو آهي ته واپڊا وارن شهرين جو جيئڻ جنجال ڪري ڇڏيو آهي شهر ۾ 16 کان 18 ڪلاڪن جي لوڊشيڊنگ ڪئي پئي وڃي جڏهن ته صبح کان وٺي 9 ڪلاڪن جو بغير ڪنهن سبب جي هاءِ بريڪ ڊائون ڪيو ويو آهي ڪاروبار مڪمل طور تي ٺپ ٿي ويو آهي شهرين ذهني مفلوج بڻجي ويا آهن جڏهن ته گرمين ۾ بجلي جي بندش سبب گيسٽرو پڻ وبائي صورت اختيار ڪري وئي آهي دادو سول اسپتال جي چلڊرين وارڊ ۾ 30 کان وڌيڪ ٻارڙن کي داخل ڪيو ويو آهي، شهرين سپريم ڪورٽ، وزيراعظم کان مطالبو ڪيو ته فوري طور ڪيل وعدي کي پورو ڪري ملڪ ۾ وڌندڙ بجلي جي غيراعلانيه لوڊشيڊنگ کي ختم ڪري ڦهليل بيچيني ختم ڪري عوام کي جيئڻ جو حق ڏنو وڃي.
بجلي جو بريڪ ڊائون سڄي سنڌ ۾ آهي سائين، اسان جا وزير اي سين ۾ آرام فرمائي رهيا آهن، ڪوئي شرم ئي ڪون ٿين،
دادو ۾ آهي جادو ... الائي ڪهڙو جادو آ، پر يار مان ته جڏهن به دادو ويس ته گرمي جي ور چڙهي ويس .... بس الامان
