سِرُ لڳي سهڻي سڄڻ سان سِرُ لڳي

[محمد اسلم عباسي]

سِرُ لڳي سهڻي سڄڻ سان سِرُ لڳي
احمد خان مدهوش

سِرُ لڳي سهڻي سڄڻ سان سِرُ لڳي​

دل جي دلبر من جي من سان سِرُ لڳي​

وار ڇوڙي مون مٿان جنهن ڇانو ڪئي​

تنهن جي وارن ۽ وڙن سان سِرُ لڳي​

هو جتان ڀي مور جيان آيو ويو​

تن دڳن ۽ پيچرن سان سِرُ لڳي​

ٿا لڳن ماکي ۽ مصري کان وڌيڪ​

چاشني جهڙن چپن سان سِرُ لڳي​

يار آ مـدهوش مـنهـنـجو ســـانورو​

تنهن ڪري ڪل سانورن سان سِرُ لڳي​

​

 

[سليمان وساڻ]