راتين جا هي اوجاڳا

[رسول بخش دائودپوٽه]

راتينن جا هي اوجاڳا اکين ۾ ڏار ڇو ٿي
ڪنهن بي ترس سان ڪا دلڙي وئي لڳي ٿي
اهو نينهن آهي نانگو يا ناسور ڪوئي ڦٽ آ
هي چوس اهڙي چاهت برباد سڀ ڪري ٿي
دلبر سان دل لڳيءَ جو ڪهڙو ڪجي ڪو دارون
وڌندو وڃي ٿو مرض جيئن جيئن دوا ڪجي ٿي
ناحق نسورو ناحق عاشق سڀئي چون ٿا
تسڪين تڙپ ۾ آ محبت مٺي چوي ٿي
ڪيئي ڏٺا سين ڏاها رلندا رهيا سي راهون
اهو پيار اهڙو پاپي دلڙي منجهي پوي ٿي

رسول بخش دائودپوٽه