سنڌي ٿيءُ سجاڳ، آرس جيون ڇڏ عادتون،

[عبدالرحيم گجراڻي]

سنڌي ٿيءُ سجاڳ، آرس جيون ڇڏ عادتون،
سکيا ڇڏ سمهڻ جي، جانب اٿي جاڳ،
ساٿي سنبري هليا، توکي ننڊ نڀاڳ،
وري چور وجود ۾، ڪو رمزن ڀريو راڳ،
ڏوري ڏس ڏونگر ۾، محبت سندو ماڳ،
سمهي وڃايو سسيءَ، سندو سيج سهاڳ،
ويٺي ورندو ڪينڪي، اٿي جبل جهاڳ،
مري جيءُ ته ماڻئين، لاحد وارو لاڳ،
مئي متي مهراڻ جو، اٿي عشق اجهاڳ،
لڏي لهرين وچ ۾، ڀائو تنهنجو ڀاڳ،
سندو برهه بهاڳ، ”عارف“ اور عجيب سان.