نه ٽوڙيو خُدارا هِي ٻانهُنِ جا گجرا !!!

[نثارناز]

آزاد نظم
نثاراحمد ناز

شبنمي سوچن مٿان
لڳايو نه پهرا ،
نه ٽوڙيو خُدارا
هِي ٻانهُنِ جا گجرا،
اڃان ڪا فضا مهڪِي به ناهي،
۽ ڦهليو به ناهي،
ڪو انڊ لٺ جو رنگ،
اڃان گُلَ کڻڻ ڏيو
گُلابي هٿن کي،
اڃان گُلَ کڻڻ ڏيو
ڪُنوارن هٿن کي !
نه پابنديون وجهو
خوابن مٿان،
۽ سورهان جي Teen age,
(ٽين ايج) جذبن مٿان !
ڪنهن پوڙهي جي پلئه
ٻڌِي سُونهن کي
ڇو ڪچِي ڪَلِيءَ کي ٿا سُولِيءَ تي چاڙهيو ؟
انا جي ته بُڇڙن هٿن سان
گُهٽا ڏئِي
ڇو معصوم خُوشبوءَ کي ماري ٿا ماريو ؟
اڃان ڪا فضا مهڪِي به ناهي
۽ ڦهليو به ناهي،
ڪو انڊلٺ جورنگ !
اڃان گُل کڻڻ ڏيو
گُلابي هٿن کي ، ڪُنوارن هٿن کي ڪُنوارن هٿن کي ۔۔۔۔۔۔۔۔۔ !!!!!

 

[نثارابڙو]

جواب: نه ٽوڙيو خُدارا هِي ٻانهُنِ جا گجرا !!!

ادا نثار ناز، اسانکي ڪو اعتراض ناهي ته اهي گلابي هٿ ۽ ڪنوارا هٿ گل گلاب جا کڻن ۔۔۔ پر ادا سائين! جي اهي هٿ گلن جي بجاٌءِ ڪنڊن ۾ هٿ وجهن ته کين منع ضرور ڪبو، سندن انهن نازڪ هٿنکي زخمي ٿيڻ کان بچائڻ خاطر ۔۔۔

ٻي ڳالهه جنهن طرف اوهان آڱر کنئي آهي، اهو مسئلو پڻ سڄي انسانيت جو آهي ۔۔۔ دنيا جا پوڙها (عورتون ۽ مرد) پنهنجي باقي زندگيءَ کي آسان ڪرڻ خاطر ننڍي عمر جي نوجوانن سان شادي ڪنٿا يا وري يورپ ۽ ترقي يافته ملڪن ۾ ته شادي به نه نوڪري ڏين ٿا ۔۔۔ جيتوڻيڪ اهو غلط آهي پر انسان اهو ڪندو رهندو ۽ ٿيندو رهندو جو انسان جي فطرت ۾ وس ۾ ايندڙ شئي کان رڪجڻ مشڪل آهي ۔۔۔

سهڻن لفظن ۾ سهڻو رڌم آهي ۔۔

 

[رشيد سمون]

جواب: نه ٽوڙيو خُدارا هِي ٻانهُنِ جا گجرا !!!

خوبصورت لفظن سان چٽيل آزاد نظم ۔۔۔۔۔۔ جيڪو سڌي آنڱر کڻي رهيو آهي انهن ماڻهن ڏي جيڪي مطلب خاطر پنهنجي ننڍين نياڻين کي سندن کان چئوڻ عمر وارن سان پرڻائين ٿا۔۔۔
پر منهنجو خيال آهي ته قصور غربت جو آهي ۔۔۔ اهي خبرون اخبارن ۽ ٽي وي تي به اچن ٿيون پر هر جاءِ تي ڪو غريب غربت کان بي حال ٿي يا قرض کان مجبور ٿي اهڙا ڪم ڪري ٿو ۔۔۔۔
مون ڪڏهن ڪنهن امير کي ائين ڪندي نه ڏٺو۔۔۔۔

 

[ممتاز علي وگهيو]

جواب: نه ٽوڙيو خُدارا هِي ٻانهُنِ جا گجرا !!!

سائين نثار ناز صاحب توهان جو اهيو آزاد نظم مون کي ته تمام گهڻو پسند آيو، ۽ ڪافي ڏينهن ٿيندا ته مون به پنهنجي شاعري مان ڪجهه هت سنڌ سلامت تي ونڊ ناهي ڪيو، سو انشاء الله پنهنجي شاعري ونڊ ڪبي، پر ان ۾ اوهان جي اصلاح جي ضرورت پوندي ، اميد ته توهان ان معاملي ۾ منهنجي مدد ضرور ڪندا،
مــهربــانــي

 

[نثارناز]

جواب: نه ٽوڙيو خُدارا هِي ٻانهُنِ جا گجرا !!!

سائين نثار ناز صاحب توهان جو اهيو آزاد نظم مون کي ته تمام گهڻو پسند آيو، ۽ ڪافي ڏينهن ٿيندا ته مون به پنهنجي شاعري مان ڪجهه هت سنڌ سلامت تي ونڊ ناهي ڪيو، سو انشاء الله پنهنجي شاعري ونڊ ڪبي، پر ان ۾ اوهان جي اصلاح جي ضرورت پوندي ، اميد ته توهان ان معاملي ۾ منهنجي مدد ضرور ڪندا،
مــهربــانــي

پيارا ممتاز علي وگهيا شال جُڙيو هُجين۔ توهان کي منهنجي هيءَ ونڊ آزاد نظم جِي صورت ۾ وڻِي، پيارا ڀاءُ هي منهنجو ڪافي پراڻو آزاد نظم هو، بلڪل توهان پنهنجي شاعري سنڌ سلامت جي محبتي اڱڻ تا بلڪل ونڊ ڪري سگهو ٿا، جِي ادا بلڪل غريباڻي حال مطابق جيڪڏهن اسان کي توهان جي شاعريءَ ۾ اصلاح جي ضرورت پيش آئي ته ضرور جهڙو حال حبيبان تهڙو پيش پريان به اينداسين توهان پنهنجي شاعري موڪليو ته سهي۔۔۔۔۔ مهرباني مٺا جو توهان کي هي نظم پسند آيو۔۔۔۔ لک لائق

 

[نثارناز]

جواب: نه ٽوڙيو خُدارا هِي ٻانهُنِ جا گجرا !!!

خوبصورت لفظن سان چٽيل آزاد نظم ۔۔۔۔۔۔ جيڪو سڌي آنڱر کڻي رهيو آهي انهن ماڻهن ڏي جيڪي مطلب خاطر پنهنجي ننڍين نياڻين کي سندن کان چئوڻ عمر وارن سان پرڻائين ٿا۔۔۔
پر منهنجو خيال آهي ته قصور غربت جو آهي ۔۔۔ اهي خبرون اخبارن ۽ ٽي وي تي به اچن ٿيون پر هر جاءِ تي ڪو غريب غربت کان بي حال ٿي يا قرض کان مجبور ٿي اهڙا ڪم ڪري ٿو ۔۔۔۔
مون ڪڏهن ڪنهن امير کي ائين ڪندي نه ڏٺو۔۔۔۔

ادا رشيد ”غريبي ءَ کي لعنت آهي“ اهو مثال مشهور آهي، پر غريب کي لعنت نٿي ڏئي سگهجي، منهنجي اکين ڏٺي مشاهدي مطابق ننڍين نيٽين نوجوان نياڻين کي پوڙهي جي پلئه يا گهر ۾ نعوذ باالله قرآن شريف سان لائون لائي ساري ڄمار ويهارڻ جو رواج گهڻو ڪري حد کان وڌيڪ پيسي واري يا ذات پات ۽ اونچي نسل واري ۾ گهڻو آهي، ذات پات جي چڪر ۾ اڪثر اهو ڏٺو ويو آهي ته ذات وارو يا خاندان ۾ ڪنوارو ڇوڪرو ڪونه ملندو آهي ته اهي ڀورا انسان پنهنجي نياڻين کي پنهنجي ناني يا ڏاڏي جي عمر واري سان پرڻائي ڇڏيندا آهن ۽ ڪافي سارا دولت جا پُڄاري پنهنجي پيسي ۽ دولت کي بچائڻ جي ڪارڻ پنهنجي ننڍي نيٽي نياڻيءَ کي پوڙهي سان پرڻائڻ ان ڪري واجب سمجهندا آهن ته پوڙهو چند ڏينهن ۾ الله کي پيارو ٿي ويندو ۽ گهر جي دولت سميت انهيءَ پوڙهي مڙس جي دولت به هٿ اچي ويندي ۔ ڪي ته وري غيرتي مڙس پنهنجي نياڻي کي شاديءَ جي صورت ۾ ٻي ڪنهن جي گهر جي زينت بنائڻ کي پنهنجي بي عزتي سمجهندا آهن ان ڪري معصوم نياڻين کي ساري عمر گهر ۾ ڪنوارو ويهارڻ کي ڪو عيب ڪونه سمجهندا آهن، مٺا رشيد غريب ته هوندو غريب آهي، ان جو سڀ کان وڏو مسئلو پيٽ جي بُک کي ختم ڪرڻ آهي، غريب ويچارو ٻن وقتن جي روٽي واسطي پنهنجي نياڻين کي داءُ تي لڳائيندو آهي ته ڪو وري غريب پنهنجي پيٽ جي بُک ختم ڪرڻ واسطي پنهنجي بچڙڻ کي وڪڻي ڇڏيندو آهي ته ڪو غريب وري پيٽ جي بُک جي ختم ٿيڻ ۾ ناڪاميءَ جِي صورت ۾ خود ڪُشي ڪري ڇڏيندو آهي۔ توهان جا لک قرب جو توهان منهنجي هن حقير آزاد نظم تي پنهنجو رايو ڏنو

 

[نثارناز]

جواب: نه ٽوڙيو خُدارا هِي ٻانهُنِ جا گجرا !!!

ادا نثار ناز، اسانکي ڪو اعتراض ناهي ته اهي گلابي هٿ ۽ ڪنوارا هٿ گل گلاب جا کڻن ۔۔۔ پر ادا سائين! جي اهي هٿ گلن جي بجاٌءِ ڪنڊن ۾ هٿ وجهن ته کين منع ضرور ڪبو، سندن انهن نازڪ هٿنکي زخمي ٿيڻ کان بچائڻ خاطر ۔۔۔

ٻي ڳالهه جنهن طرف اوهان آڱر کنئي آهي، اهو مسئلو پڻ سڄي انسانيت جو آهي ۔۔۔ دنيا جا پوڙها (عورتون ۽ مرد) پنهنجي باقي زندگيءَ کي آسان ڪرڻ خاطر ننڍي عمر جي نوجوانن سان شادي ڪنٿا يا وري يورپ ۽ ترقي يافته ملڪن ۾ ته شادي به نه نوڪري ڏين ٿا ۔۔۔ جيتوڻيڪ اهو غلط آهي پر انسان اهو ڪندو رهندو ۽ ٿيندو رهندو جو انسان جي فطرت ۾ وس ۾ ايندڙ شئي کان رڪجڻ مشڪل آهي ۔۔۔

سهڻن لفظن ۾ سهڻو رڌم آهي ۔۔

مٺا نثار منهنجي هن صفا حقير شاعريءَ ۾ اعتراض يا نه اعتراض ڪرڻ واري ڪا ڳالهه ڪانهي، مان پنهنجي سوچ جي صحرا ۾ ڀٽڪي اهو محسوس ڪيو ته جيڪي به ٽين ايجز هوندا آهن اهي ڀلي بقول تنهنجي ڇوڪريون هُجن يا ڇوڪرا هُجن، انهن کي انهن جي عمر جي هن حصي ۾ شبنمي سوچن تي ڪنٽرول ڪرڻ جو ڪو اختيار ڪونه هوندو آهي، ڪو ٽين ايجز پوپٽن جي رنگن کي پنهنجي خوابن ۾ سمائيندو آهي، ته ڪا ٽين ايجز وري پنهنجي ٻانهن ۾ گجرا ٻڌڻ جي آرزو کڻي پئي هلندي آهي، انهن جون سوچون شبنم مطلب ماڪ جي ڦڙن جيڪي گلاب جي گلن تي سحر ويلي ڦسڪندا آهن بلڪل ڦسڪندڙ هونديون آهن انهن جي انهن جي سوچن ۾ پنهنجي پاڻ کي وڻائيندڙ ڪا هڪڙي شيءَ ڪانه هوندي آهي، هو ڪڏهن انڊلٺ جي رنگن ۾ محو هوندا آهن ته ڪڏهن گلابن جي پتين کي پنهنجي ڪتابن يا نوٽ بُڪن ۾ رکي ڇڏيندا آهن الغرض اڃا ته هِنن جِي هِيءَ وهِي قدرت جي رنگن جي دلڪشي ۽ سُونهن پسڻ ۾ مست هوندِي آهي، انهي وهِيءَ واري انتهائي خوبصورت سمان مان انهيءَ سُونهن کي جيئن ڪا پوتي ڪنڊن ۾ ڦاسي پوي انهي پوتِي ءَ کي انهي ڪنڊن واري ٽاري مان روڙي يا کُرچي ڌار ڪري پنهنجي عمر کان گهٽ ۾ گهٽ ڏهوڻ واري سان لائون لارائڻ واري ظلم کي پنهنجي هن صفا حقير ۽ ڪمتر شاعريءَ ۾ سمويو اٿم۔ لک لائق ادا نثار ابڙا جو توهان منهنجي هن شاعريءَ تي پنهنجا پيار ڀريا رايا ڏنا مهربانيون۔۔۔۔

 

[نثارابڙو]

جواب: نه ٽوڙيو خُدارا هِي ٻانهُنِ جا گجرا !!!

سائين نثار ناز، اوهانجو هي ليک پڙهندي، منهنجي سامهون سعودي عرب جي انگريزي اخبار ”عرب نيوز“ پئي آهي، جنهن ۾ هڪ خبر آهي ته؛

12 سالن جي ڇوڪريءَ کي 80 ساله مڙس کان طلاق ڏياري وئي ۔۔۔

قصو هي ٿيو ته ڇوڪريءَ جي پيءُ 85 هزار ريالن جي لالچ ۾ پنهنجي 12 ساله ڌيءَ کي 80 سالن جي سوٽ سان پرڻائي ڇڏيو ۔۔۔ جنهن تي ان ڇوڪريءَ جي ماءُ احتجاج ڪيو ۽ ڌيءَ کي وٺي بريده شهر جي عدالت ۾ هلي وئي ۔۔۔ عدالت ڪجهه ٻڌڻين کان پوءِ اڄ ڇوڪريءَ جي حق ۾ فيصلو ڏيندي کيس طلاق ڏياري آهي ۔۔۔

ڀائڙا سماج ۾ هاڻ روشني اچي پئي تنهن هوندي به اهڙي قسم جا ظالماڻه قصا ٿين ٿا ۔۔۔ پرانصاف پسند قومن جون عدالتون پڻ ان ڏس ۾ مظلوم جو ساٿ ڏين ٿيون ۔۔۔ اميد ته آهستي آهستي روشني وڌندي ۽ اسانجي ملڪ ۾ پڻ اهڙا قانون لاڳو ٿيندا جنهن سان اهي ننڍي عمر واريون شاديون بند ٿي وينديون ۔۔۔ پر وري به شيطان پنهنجو ڪم ڪندو رهندو تا قيامت ۔۔۔ انڪري ڀلائيءَ سان گڏ برائيءَ جا ڀاڻ پيا نظر ايندا ۔۔۔