هن وقت آئون تُرڪي جي بهترين بس سروس ميٽرو ۾ ويٺل آهيان ۽ تُرڪي جي اُترين شهر ترابزون کان مرسِن (ڏکڻ طرف) سفر تي آهيان. رات جا 3 ٿيڻ وارا آهن. ڪائسيري ۾ سحري ڪري اڳتي هليا آهيون. ڪائسيري جيڪو تُرڪي جو مرڪز يا وري دل سڏجي ٿو. اهو شهر ۽ پاسي ۾ زيرِزمين شهر زندگي رهي ته موٽندي ڏسبا. بس ۾ واءِ فاءِ هُجڻ ڪري ليپٽاپ استعمال ڪندي اوهان سان مخاطب هوندي هفتي کن جي عارضي موڪلاڻي. ڇو ته جِتي وڃون پيا اُتي نيٽ جي متان صحيح سهولت نه هُجي. سدائين گڏ.
ان شاءُ الله سفر کان واپسيءَ تي سفر جو حال احوال ڏيندا ۽ زير زمين شهرن جو پڻ تصويرن سان احوال ڏيندا ، خيريت سان وڃو ۽ عافيت سان موٽي اچو اسان دعاڳو آهيون ، توهان وٽ ۽ اسانوٽ لڳي ٿو ساڳيو ٽائيم آهي اسانوٽ به هن مهل رات جا 3 ٿيا آهن
ڪائيسري ۽ گورڌن ولاسائي کي لکيل چٺي ...... بس هلندا رهو ۽ واپسي ۾ حال احوال ڏجو ... واٽس ايپ تي اوهان جي اپڊيٽ ۽ تصويرون ڏسي خوشي ٿي. جتي هجو خوش هجو
مطلب ادا بادشاهه سلطان سليمان جو ملڪ گهمي رهيا آهيو.. زبردست خوشي ٿي سدائين گهمندا ڦڙندا رهو ڏيهه توڙي ڏيهه سڀ پنهنجا آهن
سڀني ساٿين جي مهرباني جن دلچسپي ڏيکاري ۽ دُعائون ڏنيون. اسان مرسن شهر جي پاسي ۾ هڪ علائقي عياش ۾ آهيون. جتي هڪ دوست جي خالي پيل سمر هائوس ۾ ترسيل آهيون ۽ مرسن ۾ رهندڙ دوست وقت بوقت سار لهندو رهي ٿو. عيد کان هڪ ڏينهن اڳ هتي پُهچي آڙام ڪيو. عيد ڏهاڙو ۽ ٻيون ڏينهن بيچ تي گُذريو. اڄ هتي لڳ ڀڳ موئن جو دڙو جيتري ئي پُراڻي تاريخي ڄڳهه ۽ ڪُجهه ٻيون دلچسپي جو شوين ڏِسي سُڀاڻي شهر مرسن گهُمي ڦِري ان کان پوءِ مولا مثنوي رومي جي شهر ڪونيا وڃي ان جي آخري آرامگاهه ڏسبي ۽ پوءِ انقره. انقره کان بُشرى جي شهر ڪائيسري ۽ پوءِ پنهنجي شهر ترابزون. . . . . . .! لڳ ڀڳ 2000 ڪلوميٽر جو اهو سفر تُرڪي جو ڪافي حصو گهُمائي وٺندو. بس دُعائن شامل رکجو. زندگي رهي ته احوال ڏِبا.
آئون سفر پورو ڪري واپس پُهتو آهيان پنهنجي شهر ترابزون. هاڻي گڏ آهيون فورم تي. هونئن ته ڪافي نوان ماڳ نوان ماڻهو ۽ نوان مُشاهدا مليا جيڪي هتي ونڊبا پر خاص طور هتي اچڻ کان سُتت پوءِ دوست @زاھد حيدر ملاح جي هڪ ليک ۾ زيرِزمين شهر جو ذڪر هو جنهن ۾ اسان جي ساٿي عبدالغني لوهار پاران مون کي ٽيگ ڪري اهو هنڌ ڏسڻ جي صلاح ڏني وئي. واپسي ۾ ڪئايسري کان پوءِ به اُن تائين پُهچڻ ڪيترو ڏُکيو هو اها مون کي خبر. پر نيٺ پُهتاسين. اُن زيرِ زمين شهر ۾ جاپاني سياحن سان گڏ. خوشي تڏهن به ٿي جڏهن ٿڪي ٽُٽي هڪ پارڪ ۾ ويٺاسين ته گورڌن ولاسائي به اچي پُهتو ۽ ڪي گهڙيون خوب ٽهڪڙا رهيا.
ادا عبدالحفيظ لغاري لک قرب اوهانجا ، جو اوهان مون ناچيز جي صلاح تي زير زمين شهر جو سير جاپاني سياحن سان ڪيو ، ان شهر جي باري ۾ ادا زاهد حيدر ملاح جي ليک ۾ تفصيل پڙهي هئي سين ، باقي سفر جو احوال به هن موضوع ۾ هوريان هوريان ، وقفي وقفي سان ونڊيندا رهندا ، مهربانيون
عبدالحفيظ لغاري واه يار اها تصوير ته واه جي پئي لڳي هتي!!! قيوم جو شايد خيال هو ته ڪي گهڙيون وڌيڪ هُجن ها.....!!!!
